Dinamalar

செஞ்சி, : மேல்மலையனுார் அங்காளம்மன் கோவிலில் நடந்த பங்குனி மாத அமாவாசை ஊஞ்சல் உற்சவத்தில் ஆயிரக்கணக்கான பக்தர்கள் சாமி தரிசனம் செய்தனர்.

விழுப்புரம் மாவட்டம், மேல்மலையனுார் அங்காளம்மன் கோவிலில் நேற்று முன்தினம் இரவு பங்குனி மாத அமாவாசை ஊஞ்சல் உற்சவம் நடந்தது. அன்று காலை அங்காளம்மனுக்கு சிறப்பு அபிஷேகம், தங்க கவச அலங்காரம், மகா தீபாராதனை நடந்தது.

இரவு 11.30 மணிக்கு சிறப்பு அலங்காரத்தில் ஊஞ்சல் மண்டபத்தில் எழுந்தருளிய உற்சவர் அங்காளம்மனை ஆயிரக்கணக்கான பக்தர்கள் வழிபட்டனர். தொடர்ந்து நடந்த ஊஞ்சல் தாலாட்டில் கோவில் பூசாரிகளும், பக்தர்களும் பக்தி, அம்மன் தாலாட்டு பாடல்களை பாடினர்.

தற்போது தமிழகத்தில் பள்ளி மாணவர்களுக்கு பொதுத் தேர்வு நடந்து வருவதால் வழக்கத்தை விட பக்தர்களின் கூட்டம் குறைவாக இருந்தது.

விழா ஏற்பாடுகளை இந்து சமய அறநிலையத்துறை உதவி ஆணையர் ஜீவானந்தம், அறங்காவலர் குழு தலைவர் சந்தானம் மற்றும் அறங்காவலர்கள் செய்திருந்தனர்.

செஞ்சி டி.எஸ்.பி., பிரியதர்ஷிணி தலைமையில் 300க்கும் மேற்பட்ட போலீசார் பாதுகாப்பு பணியில் ஈடுபட்டனர். அரசு போக்குவரத்து கழகம் சார்பில் சென்னை, காஞ்சிபுரம், கடலுார் உள்ளிட்ட ஊர்களில் இருந்தும் சிறப்பு பஸ்களை இயக்கினர்.

• 1. தீக்குண்டத்தில் விழுந்து 4 பக்தர்கள் படுகாயம்
• 2. துப்புரவு தொழிலாளி மரணம் ஆணைய தலைவர் விசாரணை
• 3. நீதிமன்ற ஊழியர் கைது
• 4. பெண்களிடம் ஆசை காட்டி மோசம் செய்த ஆசாமி கைது
• 5. வைகாசி விசாக திருவிழா
• 6.கடலூரில் பராமரிப்பின்றி பூங்காக்கள் வீணாகும் அவலம்! பொழுது போக்க இடமின்றி பொதுமக்கள் தவிப்பு
• 7. பாடலீஸ்வரர் கோவில் தேரோட்டம்; ஆயிரக்கணக்கான பக்தர்கள் பங்கேற்பு
• 8. மதுவிற்ற வாலிபர் கைது
• 9. வெற்றி வேலாயுத சுவாமி கோவிலில் காவடி உற்சவம்
• 10. கருணாநிதி நூற்றாண்டு விழா; அமைச்சர் வேண்டுகோள்