Dinamalar

தாம்பரம்,:ஆசியாவின் பெரிய உயிரியல் பூங்காவான, வண்டலுார் உயிரியல் பூங்கா, 1,500 ஏக்கர் பரப்பளவு உடையது. 2,400 விலங்குகள் பராமரிக்கப்பட்டு வருகின்றன. ஆயிரக்கணக்கான பார்வையாளர்கள் வருகின்றனர்.

இப்பூங்காவில், ஒன்பது சிங்கங்கள் உள்ளன. அதில் ஐந்து, சிங்க உலாவிட பகுதியில் பராமரிக்கப்படுகின்றன. மூன்று, பார்வைக்கு விடப்பட்டுள்ளன. ஒரு சிங்கம், புனர்வாழ்வு மையத்தில் பராமரிக்கப்படுகிறது.

போதிய சிங்கங்கள் இல்லாததால், பூங்காவில் 'லயன் சபாரி' மூடியே வைக்கப்பட்டுள்ளது.

இதனால், விலங்கு பரிமாற்ற திட்டத்தின் கீழ், மற்ற பூங்காக்களில் இருந்து சிங்கங்களை கொண்டுவர நிர்வாகம் முயற்சித்து வருகிறது.

குஜராத் மாநிலம், சக்கபர்க் உயிரியல் பூங்காவில் இருந்து, ஒரு ஜோடி சிங்கங்களை வண்டலுார் கொண்டுவர முயற்சி செய்யப்பட்டது.

விலங்குகளை பரிமாறிக்கொள்ள வேண்டுமென்றால், பரிமாறப்படும் விலங்குகளின் தகவல்களை, மத்திய உயிரியல் பூங்கா ஆணையத்திற்கு, சம்பந்தப்பட்ட இரு பூங்காக்களும் சமர்ப்பிக்க வேண்டும்.

அந்த தகவல் சரியாகவும், முழுமையாகவும் இருந்தால் மட்டுமே, ஆணையம் அனுமதி வழங்கும்.

வண்டலுார் பூங்கா நிர்வாகம், முறையான தகவல்களை சமர்ப்பித்துள்ள நிலையில், சக்கபர்க் பூங்கா நிர்வாகம், சரியான தகவலை சமர்ப்பிக்கவில்லை எனத் தெரிகிறது.

இதனால், ஆணைய அனுமதி கிடைப்பதில் சிக்கல் ஏற்பட்டு, ஒரு ஜோடி சிங்கங்களை கொண்டுவரும் முயற்சியில் தாமதம் ஏற்பட்டுள்ளது.

இதனால், வெறுப்படைந்த வண்டலுார் பூங்கா நிர்வாகம், வேறு பூங்காவில் இருந்து விலங்குகளை கொண்டுவர தீவிர முயற்சியில் ஈடுபட்டு உள்ளது.

• 1.சாலை போட்டதும் நோண்டுவது, தோண்டுவது தவிர்ப்பு: 12 அரசு துறைகளை இணைத்து ஒருங்கிணைப்பு குழு!
• 2.அரபிக்கடலில் உருவானது 'பைபோர்ஜாய்' புயல்: வானிலை ஆய்வு மையம் அறிவிப்பு
• 3. உணவு பாதுகாப்பு தினம்
• 4. கிண்டி பல்நோக்கு, முதியோர் மருத்துவமனைக்கு பாதை எங்கே? இணைப்பு வசதியின்றி தீவு போல இருப்பதால் குழப்பம்
• 5.திடீர் மழை
• 6. மெட்ரோ 'பார்க்கிங்' சலுகை வரும் 14ம் தேதி முதல் அமல்
• 7. பகிங்ஹாம் கால்வாய் ஆக்கிரமிப்பு கணக்கெடுப்பு 5 கி.மீ.,க்குள் வீடு கேட்கின்றனர் மக்கள்
• 8. 'மெட்ரோ பாஸ்' திட்டம் துவக்கம்
• 9. காதலுக்கு வீட்டார் எதிர்ப்பு சிறுமி பலி; 2 பேர் 'சீரியஸ்'
• 10.வைகாசி விசாக பிரம்மோற்சவம்