Dinamalar

திருப்பூர்: ஒப்பந்தம் போடப்பட்டு ஒன்பது மாதமாகியும் கட்டண உயர்வு வழங்க மறுக்கும் நிறுவனத்துக்காக, ஆடை தைப்பதை நிறுத்தி, காலவரையற்றை வேலை நிறுத்தத்தை திருப்பூர் பவர்டேபிள் சங்கம் துவக்கியது.

'சைமா' மற்றும் பவர்டேபிள் உரிமையாளர் சங்கங்கள் பேச்சு நடத்தி, கடந்த 2022, ஜூனில், கட்டண உயர்வு ஒப்பந்தம் மேற்கொள்ளப்பட்டது. ஒப்பந்தம் கையெழுத்தாகி ஒன்பது மாதமான நிலையில், அங்கேரிபாளையத்தை சேர்ந்த, ஆடை உற்பத்தி நிறுவனமோ, இன்னும் முதல் ஆண்டுக்கான 14 சதவீத தையல் கட்டண உயர்வு வழங்காமல் இழுத்தடித்து வருகிறது.

இதனால், அந்நிறுவனத்துக்கு ஆடை தைத்துக்கொடுப்பதை நிறுத்தி, நேற்றுமுதல் காலவரையற்ற உற்பத்தி நிறுத்தத்தை துவக்கியுள்ளது பவர்டேபிள் உரிமையாளர் சங்கம்.

பவர்டேபிள் உரிமையாளர் சங்க செயலாளர் முருகேசன் கூறியதாவது:

அங்கேரிபாளையத்தில் இயங்கும் ஆடை உற்பத்தி நிறுவனத்துக்கு, திருப்பூர், மணப்பாறை, குளித்தலை, புதுக்கோட்டை பகுதிகளை சேர்ந்த 200க்கும் மேற்பட்ட பவர்டேபிள் நிறுவனங்கள் ஆடை தைத்து கொடுக்கின்றன.

மூலப்பொருள் விலை உயர்வு, எரிபொருள், மின் கட்டணம் உயர்வால், பவர்டேபிள் நிறுவனங்கள் பரிதவிக்கின்றன. மற்ற நிறுவனங்களெல்லாம், ஒப்பந்தப்படி கட்டண உயர்வு வழங்குகின்றன. அங்கேரிபாளையத்தை சேர்ந்த ஆடை நிறுவனம் மட்டும், தையல் கட்டண உயர்வு அளிக்காமல் இழுத்தடிக்கிறது.

இதுகுறித்து, 'சைமா' சங்கத்துக்கு மனு அனுப்பினோம். ஆனாலும், எந்த நடவடிக்கையும் எடுக்கப்படவில்லை.

இதனால், அந்த ஒரு நிறுவனத்துக்கான ஆடை தயாரிப்பை முழுமையாக நிறுத்தி, காலவரையற்ற போராட்டத்தை துவக்கியுள்ளோம். 'சைமா' சங்கம் தலையிட்டு, பேச்சு நடத்தி, கட்டண உயர்வை பெற்றுத்தர வேண்டும். அதுவரை உற்பத்தி நிறுத்தம் தொடரும். இவ்வாறு, அவர் கூறினார்.

• 1.ஆழியாறு அணை இன்று திறப்பு
• 2.சமூக வலைதளத்தில் பொய் செய்தி பரப்பியவர் கைது
• 3.ரூ.7.38 லட்சம் வழிப்பறி: இருவர் சிறையிலடைப்பு
• 4.2 ஆண்டுகளில் யானையால் உயிர்பலி இல்லை: வால்பாறை வனத்துறையினர் நிம்மதி
• 5.வேலைவாய்ப்பு... குதிரைக்கொம்பல்ல!
• 6. திடக்கழிவு மேலாண்மை பள்ளி பாடமாக வேண்டும்!
• 7.வனத்துறையில் என்.ஓ.சி.,க்கு ரூ. 5 லட்சம் லஞ்சம்: அம்பலப்படுத்தியது தி.மு.க., பேச்சாளரின் ஆடியோ
• 8.ஜனாதிபதி திரவுபதி முர்முவுக்கு சுரினாம் நாட்டின் உயரிய விருது
• 9. ஆழியாறு தடுப்பணைகள் சீரமைப்பு: ரூ.12 கோடி செலவில் பணி தீவிரம்
• 10. 'டம்மி' துப்பாக்கி காட்டி மிரட்டல்:திருப்பூர் அருகே இருவர் கைது