Dinamalar

திருவண்ணாமலை:திருவண்ணாமலை, அம்மணி அம்மன் மடம் ஆக்கிரமிப்பு விவகாரத்தில், தலைமறைவாக இருந்த பா.ஜ., நிர்வாகியை, திருப்பதியில் போலீசார் கைது செய்தனர்.

திருவண்ணாமலை, அண்ணாமலையார் கோவில் அம்மணி அம்மன் கோபுரம் எதிரிலுள்ள கோவிலுக்கு சொந்தமான இடத்தை, பா.ஜ., ஆன்மிகம் மற்றும் கோவில் மேம்பாட்டு பிரிவு மாநில துணைத்தலைவர் சங்கர், 20 ஆண்டுகளாக ஆக்கிரமித்து வீடு மற்றும் கட்டடம் கட்டியிருந்தார்.

அவரின் ஆக்கிரமிப்பு கட்டடம் இடித்து அகற்றப்பட்டது. அப்போது இந்த கட்டடத்திற்கு அருகில், இடிந்து விழும் நிலையில் இருந்த, அம்மணி அம்மன் மடமும் இடிக்கும் பணி நடந்தது.

ஹிந்து முன்னணி எதிர்ப்பால், பணி பாதியில் நிறுத்தப்பட்டது.

இடிக்கப்பட்ட அம்மணி அம்மன் மட இடிபாடுகளின் மீது கடந்த, 19ல், சங்கர் மற்றும் அவரது ஆதரவாளர்கள் ஏறி நின்று ஆர்ப்பாட்டம் செய்தனர்.

திருவண்ணாமலை டவுன் போலீசார் வழக்குப்பதிந்து, ஹிந்து முன்னணி நிர்வாகிகள் தேனிமலை ஏழுமலை, 49, காளியப்பன், 50, கார்த்திகேயன், 23, ஆகியோரை கைது செய்தனர்.

தலைமறைவாக இருந்த சங்கரை, ஆந்திரா மாநிலம், திருப்பதியில் நேற்று போலீசார் கைது செய்தனர்.

• 1. நாட்டாமை தேர்வில் மோதல் தலைவர் மண்டை உடைப்பு
• 2. போதை கணவரை அடித்துக் கொன்ற மனைவி கைது
• 3. காளத்தீஸ்வரர் கோவில் கும்பாபிஷேகம் கோலாகலம்
• 4. ஆருத்ரா நிறுவன ஏஜன்ட் வீடுகளில் கல் வீசி தாக்குதல்
• 5. கடன் பெற்றும் வீடு கட்டாத 3 ஆசிரியர்கள் 'சஸ்பெண்ட்'
• 6. காவலாளியை எரிக்க முயற்சி
• 7. மங்கிய ரயில்வே சிக்னல் ஒளி போதை நபரிடம் விசாரணை
• 8. டிரைவர் தலையில் 'நட்'டுடன் தையல் போட்ட ஜி.எச்., நர்ஸ்
• 9. காவலாளியை எரிக்க முயற்சி
• 10. அல்லேரி மலை கிராமத்திற்கு கிடைத்தது ஆம்புலன்ஸ் வசதி