Dinamalar

சின்னாளபட்டி--சின்னாளபட்டியில் விடுமுறை நாட்களில் அனுமதியின்றி அதிக மரங்கள் வெட்டப்படுவதை தடுக்க வலியுறுத்தி, பா.ஜ.,வினர் நுாதன ஊர்வலம் நடத்தினர்.

சின்னாளபட்டியில் சில வாரங்களாக ரோட்டோர மரங்கள் அப்புறப்படுத்தப்பட்டு வருகிறது. மரங்களை அனுமதியின்றி தனி நபர்கள் வெட்டிச் செல்வதாக பேரூராட்சி கவுன்சிலில் புகார் எழுந்தது. இச்சூழலில் உரிய அனுமதி பெறாமல் மரங்கள் வெட்டப்படுவதை தடுக்க வலியுறுத்தி பா.ஜ., சார்பில் கோரிக்கை ஊர்வலம் நடந்தது. சின்னாளபட்டி மண்டல் தலைவர் விக்கேஷ் தலைமை வகித்தார். அவர் பேசுகையில்,''அரசு விடுமுறை நாட்களில் பேரூராட்சிக்கு சொந்தமான மரங்களை வெட்டி கடத்தி உள்ளனர்.

பேரூராட்சி, வருவாய் துறை அதிகாரிகள் உடந்தையாக இருப்பதுடன் நடவடிக்கை எடுப்பதை அலட்சியப்படுத்துகின்றனர்.

அப்புறப்படுத்தப்படும் மரங்களை தனியாரிடம் ஒப்படைத்துள்ளனர். சம்பந்தப்பட்ட அதிகாரிகள் மீது டவடிக்கை எடுக்க வேண்டும்''என்றார்.

மாவட்ட மத்திய அரசு நலத்திட்ட பிரிவு செயலாளர் மணிமாறன், மண்டல் துணைத் தலைவர் ராஜேஸ்வரி, ஒன்றிய பொருளாளர் பூங்காவனம், பொதுச் செயலாளர் விமல்குமார் முன்னிலை வகித்தனர்.

அனுமதியின்றி வெட்டப்பட்ட மரங்களின் படங்களை பதாகைகளாக உடலில் அணிந்து ஊர்வலமாகச் சென்றனர். பேரூராட்சி செயல் அலுவலர் செல்வராஜிடம் மனு கொடுத்தனர்.

• 1.முல்லைப் பெரியாறு அணையை பலப்படுத்தக் கோரி வழக்கு: அரசுக்கு உயர்நீதிமன்றம் நோட்டீஸ்
• 2.திருவிழாக்களுக்கு குழு அமைத்தால் நடவடிக்கை: ஹிந்து சமய அறநிலையத்துறை
• 3. பாலியல் தொல்லையால் சிறுமி தற்கொலை நீதி கேட்டு பொதுமக்கள் சாலை மறியல்
• 4. வாகன ஓட்டிகளை தடுமாற வைக்கும் துணைப்பாதைகள்
• 5. டாக்டர் வீட்டில் திருட்டு
• 6. முதியவர் பலி
• 7. மின்னல் தாக்கி பெண் பலி
• 8. வீட்டில் துாங்கிய முதியவர் அடித்துக் கொலை
• 9. மின் மோட்டார் திருட்டு
• 10. டூவீலர் மோதி காயம்