Dinamalar

சட்டப்படி நேரடி நியமனம் மூலம் மட்டுமே பணியிடங்களை நிரப்ப வேண்டும். அதற்கு மாறாக சட்டவிரோதமாக நியமனங்கள் மேற்கொள்ளப்படுகின்றன. மருத்துவப் பணியாளர் தேர்வு வாரியம் மூலம் குறைவான பணியிடங்களுக்கு மட்டுமே விண்ணப்பங்கள் கோரப்படுகின்றன.

உணவு பாதுகாப்பு அதிகாரி பதவியில் 300 பேர் சட்டவிரோதமாக நியமிக்கப்பட்டுள்ளனர். அதில் இடஒதுக்கீடு முறையை பின்பற்றவில்லை. நேரடி நியமனங்கள் மேற்கொள்ளவில்லை. இது சட்டத்திற்கு முரணானது. இவர்களில் பலர் சுகாதாரத்துறையை சேர்ந்தவர்கள்.

உணவு பாதுகாப்பு அதிகாரி பணி நியமன விதிகளில் திருத்தம் செய்து தமிழக சுகாதாரத்துறை 2022 ஜூன் 30 ல் அரசாணை வெளியிட்டது. இது சட்டவிரோதமாக நியமிக்கப்பட்டவர்களை பாதுகாக்கும் வகையில் உள்ளது.

விதிமீறல் உள்ளது. விதி திருத்தத்தை ரத்து செய்ய வேண்டும். நேரடியாக அல்லாமல் இடஒதுக்கீடு முறையை பின்பற்றாமல் போதிய தகுதியின்றி நியமிக்கப்பட்டவர்களை பணியிலிருந்து விடுவிக்க வேண்டும். இடஒதுக்கீட்டை பின்பற்றி நேரடி நியமனங்கள் மேற்கொள்ள உத்தரவிட வேண்டும்.

இவ்வாறு ஜனனி குறிப்பிட்டார்.
நீதிபதிகள் ஆர்.சுப்பிரமணியன், பி.புகழேந்தி அமர்வு தமிழக சுகாதரத்துறை செயலர், உணவு பாதுாப்புத்துறை கமிஷனர், நகராட்சி நிர்வாக கமிஷனர், இந்திய உணவு பாதுகாப்பு மற்றும் தரப்படுத்தல் ஆணைய தலைவருக்கு நோட்டீஸ் அனுப்ப உத்தரவிட்டு ஏப்.,20 க்கு ஒத்திவைத்தது.