Dinamalar

ராமநாதபுரம் : ராமேஸ்வரத்தில் எட்டு வயது சிறுவனுக்கு பாலியல் தொல்லை கொடுத்த வழக்கில் இரண்டு வாலிபர்களுக்கு தலா 20 ஆண்டு சிறை தண்டனை விதித்து ராமநாதபுரம் மாவட்ட மகளிர் விரைவு நீதிமன்றம் தீர்ப்பளித்தது.

ராமேஸ்வரம் பெரிய பள்ளிவாசல் தெருவில் 2021 ஜூலை 31ல் அப்துல்கலாம் குளம் அருகே சீமை கருவேலம் காட்டிற்குள் 8 வயது சிறுவன் பாலியல் தொல்லையால் பாதிக்கப்பட்டார். இதில் ஈடுபட்ட அதே பகுதியை சேர்ந்த செல்வராஜ் 24, நம்பு காளீஸ்வரன் 24, ஆகியோரை ராமேஸ்வரம் நகர் போலீசார் போக்சோ சட்டத்தில் கைது செய்தனர்.

இந்த வழக்கு விசாரணை ராமநாதபுரம் மாவட்ட மகளிர் விரைவு நீதிமன்றத்தில் நடந்தது. நேற்று தீர்ப்பளித்த நீதிபதி கோபிநாத், குற்றவாளிகளான செல்வராஜ், நம்பு காளீஸ்வரனுக்கு தலா 20 ஆண்டுகள் சிறை தண்டனையும், ரூ.5000 அபராதமும் விதித்தார்.

அபராதம் கட்ட தவறினால் மேலும் ஓராண்டு சிறை தண்டனையும் விதித்து உத்தரவிட்டார். பாதிக்கப்பட்ட சிறுவன் குடும்பத்திற்கு அரசு ரூ.5 லட்சம் வழங்க பரிந்துரை செய்தார்.

• 1.முல்லைப் பெரியாறு அணையை பலப்படுத்தக் கோரி வழக்கு: அரசுக்கு உயர்நீதிமன்றம் நோட்டீஸ்
• 2.திருவிழாக்களுக்கு குழு அமைத்தால் நடவடிக்கை: ஹிந்து சமய அறநிலையத்துறை
• 3. பாலியல் தொல்லையால் சிறுமி தற்கொலை நீதி கேட்டு பொதுமக்கள் சாலை மறியல்
• 4. வாகன ஓட்டிகளை தடுமாற வைக்கும் துணைப்பாதைகள்
• 5. டாக்டர் வீட்டில் திருட்டு
• 6. முதியவர் பலி
• 7. மின்னல் தாக்கி பெண் பலி
• 8. வீட்டில் துாங்கிய முதியவர் அடித்துக் கொலை
• 9. மின் மோட்டார் திருட்டு
• 10. டூவீலர் மோதி காயம்