Dinamalar

திருப்பூர்:தமிழகத்தின், 36 மாவட்டங்களில், மாவட்ட திட்டக்குழு அமைக்க தேவையான ஏற்பாடுகளை செய்யுமாறு, அரசு உத்தரவிட்டுள்ளது.

மாவட்டத்தின் வளர்ச்சி, எதிர்கால தேவைகள், சிறப்பு திட்டங்கள், மத்திய, மாநில அரசு திட்டங்களில் முன்னுரிமை அடிப்படையில் செயல்படுத்த, மாவட்ட திட்டக்குழு அமைக்கப்படுகிறது.

மாவட்ட ஊராட்சி குழு தலைவர்கள், மாவட்ட திட்டக்குழு தலைவராகவும், கலெக்டர் துணை தலைவராகவும் செயல்படுவர். 2011-16க்கு பின், தமிழகத்தில் மாவட்ட திட்டக்குழு அமைக்கப்படவில்லை.

ஊரக உள்ளாட்சி, நகர்ப்புற உள்ளாட்சி என, உள்ளாட்சி தேர்தல் தனித்தனியாக நடந்தது.

ஊரக வளர்ச்சித்துறை உயர் அதிகாரிகள் கூறியதாவது:

சென்னை மற்றும் மயிலாடுதுறை மாவட்டம் நீங்கலாக, 36 மாவட்டங்களில், மாவட்ட திட்டக்குழு அமைக்க அரசு அறிவிக்கை வெளியிட்டுள்ளது. மாவட்ட ஊராட்சி கவுன்சிலர் எட்டு பேர் உறுப்பினராக நியமிக்கப்படுவர்.

இதுதவிர, மாநகராட்சி, நகராட்சி மற்றும் பேரூராட்சி கவுன்சிலர்களில் இருந்து, 10 பேர் உறுப்பினராக நியமிக்கப்படுவர். மாநில அளவிலான, இடஒதுக்கீட்டுடன் கூடிய, ஆண், பெண் ஒதுக்கீடு விவரத்துடன், மாவட்ட குழு அமைப்பது தொடர்பான முழுமையான அரசாணை விரைவில் வெளியாக உள்ளது.

இவ்வாறு அவர்கள் கூறினர்.

• 1.காஷ்மீரில் புதிய ஸ்ரீசாரதாம்பாள் கோவில்! இன்று கும்பாபிஷேகம் கோலாகலம்
• 2.மருத்துவக் கட்டமைப்பை குலைக்கிறது என்.எம்.சி.,: இந்திய மருத்துவ கழக தலைவர் குற்றச்சாட்டு
• 3.'அரசு பஸ்களில் மாணவர்கள் கட்டணமின்றி பயணிக்கலாம்'
• 4. திருப்பூரில் மெழுகுவர்த்தி ஏற்றி வைத்து அஞ்சலி
• 5. ஈரமான இதயங்களை இணைத்த கோவை நிகழ்வு
• 6. 'வனத்துக்குள் திருப்பூர் - 9' துவக்கம்: 2 லட்சம் மரக்கன்றுகள் நட இலக்கு
• 7. திருப்பூர் மருத்துவ கல்லுாரி அட்மிஷனுக்கு ஒப்புதல்
• 8. தனியார் 'இ-சேவை' மையங்களில் அரசு கட்டண அறிவிப்பு பலகை
• 9. பக்தியும், ஒழுக்கமும் இளமையில் வரவேண்டும்: ஆன்மிக சொற்பொழிவாளர் நாகை முகுந்தன் பேச்சு
• 10. மூதாட்டி பலி