Dinamalar

ஈரோடு,;சித்தோடு அரசினர் பொறியியல் கல்லுாரியில், 'மாபெரும் தமிழ் கனவு' என்ற பண்பாட்டு பரப்புரை நிகழ்வு நடந்தது. கலெக்டர் கிருஷ்ணனுண்ணி தலைமை வகித்து பேசினார்.தமிழகத்தில் கிராமப்புற முன்னேற்றம் என்ற தலைப்பில், மாநில திட்டக்குழு துணை தலைவர் ஜெயரஞ்சன், ஊடகங்களின் தோற்றமும், வளர்ச்சியும் என்ற தலைப்பில் எழுத்தாளர் ஆண்டாள் பிரியதர்ஷினி பேசினர்.உயர் கல்வித்துறை மண்டல இணை இயக்குனர் கலைச்செல்வி, உதவி இயக்குனர் மதுரா, ஈரோடு தாசில்தார் பாலசுப்பிரமணியன், சித்தோடு அரசு பொறியியல் கல்லுாரி முதல்வர் முருகேசன், மாவட்ட சமூக நல அலுவலர் சண்முகவடிவு பங்கேற்றனர். மாவட்ட அளவில் ஏழு கல்லுாரிகளில் இதேபோன்ற நிகழ்வு நடந்தது. சொற்பொழிவில் பங்கேற்றோருக்கு, பட்டம், பரிசு வழங்கப்பட்டது.