Dinamalar

கரூர்: மாயனுார் கதவணைக்கு, நேற்று தண்ணீர் வரத்து சற்று அதிகரித்துள்ளது.
கரூர் அருகே மாயனுார் கதவணைக்கு, நேற்று முன்தினம் காலை வினாடிக்கு, 876 கன அடி தண்ணீர் வந்தது. நேற்று காலை, 6:00 மணி நிலவரப்படி வினாடிக்கு, 879 கன அடியாக தண்ணீர் வரத்து சற்று அதிகரித்தது. அந்த தண்ணீர் முழுவதும், காவிரியாற்றில் திறக்கப்பட்டது. நான்கு பாசன வாய்க்காலில் தண்ணீர் நிறுத்தப்பட்டுள்ளது.

அமராவதி அணை
திருப்பூர் மாவட்டம், உடுமலை பேட்டை அமராவதி அணைக்கு, நேற்று காலை, 6:00 மணி நிலவரப்படி அணைக்கு, வினாடிக்கு, 115 கன அடி தண்ணீர் வந்தது.
ஆனால் குடிநீர் தேவைக்காக, அமராவதி ஆற்றில் வினாடிக்கு, 40 கன அடி திறக்கப்பட்டது. புதிய பாசன வாய்க்காலில் தண்ணீர் திறப்பு நிறுத்தப்பட்டது. 90 அடி உயரம் கொண்ட அணையின் நீர்மட்டம், 52.23 அடியாக இருந்தது.
ஆத்துப்பாளையம் அணை
க.பரமத்தி அருகே, ஆத்துப்பாளையம் அணைக்கு நேற்று காலை, 6:00 மணிக்கு வினாடிக்கு, 3 கன அடி தண்ணீர் வந்தது. 26.90 அடி உயரம் கொண்ட அணை நீர்மட்டம், 13.94 அடியாக இருந்தது. நொய்யல் பாசன வாய்க்காலில் தண்ணீர் திறப்பு நிறுத்தப்பட்டுள்ளது.
நங்காஞ்சி அணை நிலவரம்
திண்டுக்கல் மாவட்டம், வடகாடு மலைப் பகுதிகளில் மழை இல்லாததால், நங்காஞ்சி ஆற்றுக்கு தண்ணீர் வரத்து இல்லை. 39.37 அடி உயரம் கொண்ட, நங்காஞ்சி அணை நீர்மட்டம் தற்போது, 38.81 அடியாக உள்ளது. நங்காஞ்சி ஆற்றில் தண்ணீர் திறப்பு நிறுத்தப்பட்டுள்ளது.
மழை நிலவரம்
கரூர் மாவட்டத்தில் நேற்று காலை, 8:00 மணி வரை கடந்த, 24 மணி நேரத்தில் க.பரமத்தியில் மட்டும், 2.6 மி.மீ., மழை பதிவானது.

• 1.நாகை அருகே குறுவை பயிர் அழிப்பு: விவசாயிகள் விரக்தி
• 2.விஷ வண்டுகள் கடித்து கூலி தொழிலாளிகள் 11 பேர் படுகாயம்
• 3.சென்னை - நெல்லை வந்தே பாரத் எக்ஸ்பிரஸ் சோதனை ஓட்டம்
• 4.ஒன்றிய செய்திகள் - கரூர்
• 5. உள்ளாட்சி துறை சங்கம் சார்பில் ஆர்ப்பாட்டம்
• 6.இடிந்து விழும் நிலையில் தொட்டி இடிக்கும் பணி தொடக்கம்
• 7.செய்திகள் சில வரிகளில்... கரூர்
• 8. வே.பாளையத்தில் 23 சிலைகள் விசர்ஜனம்
• 9. சமுதாய கூடத்தில் பாடம் படிக்க முடியாமல் திணறும் மாணவர்கள்
• 10. கரூர் மருத்துவ கல்லூரி மருத்துவமனையில் காத்திருப்பு அறையில் இருக்கையின்றி தவிப்பு