Dinamalar

தேனி : தேனியில் கட்டப்பட்டு வந்த அரசு கட்டடத்தின் மேல்தளம் இடிந்து விழுந்ததில் தொழிலாளி மாரிமுத்து 37, பலியானார். மற்றொரு தொழிலாளி பலத்த காயமடைந்தார்.

தேனி கே.ஆர்.ஆர். நகரில் மாவட்ட வனத்துறை அலுவலகம் அருகில் ஸ்ரீவில்லிப்புத்துார் மேகமலை புலிகள் காப்பக மேகமலை கோட்ட துணை இயக்குனர் அலுவலகம் உள்ளது. அதன் அருகில் ரூ.40 லட்சம் செலவில் சுற்றுச்சூழல் சுற்றுலா தகவல் மைய கட்ட பணியை தேனி கான்டிராக்டர் பிரபு செய்து வந்தார். கட்டடத்தின் வெளிப்புரத்தில் படிகள், சாய்தளம், பூச்சு வேலைகள் நடக்கிறது.

நேற்று வெளிபுறத்தில் பூச்சு வேலையில் 4 தொழிலாளர்கள் ஈடுபட்டிருந்தனர். மதியம் 1:15 மணிக்கு கட்டடத்தின் முன் பகுதியின் மேல்தள கான்கீரிட் திடீரென இடிந்து விழுந்தது. கட்டட இடிபாடுகளில் பெரியகுளம் பங்காளபட்டி தொழிலாளி மாரிமுத்து 37, பெரியகுளம் அசோக் 24, சிக்கினர்.

தகவலறிந்து தேனி தீயணைப்பு வீரர்கள் இருவரையும் மீட்டனர். மாரிமுத்துவை தேனி அரசு மருத்துவக்கல்லுாரி மருத்துவமனைக்கு அனுப்பினர். அங்கு அவர் சிகிச்சை பலனின்றி இறந்தார். தேனி போலீசார் விசாரிக்கின்றனர்.

இது குறித்து ஸ்ரீவில்லிப்புத்துார் மேகமலை புலிகள் காப்பக மேகமலை கோட்ட துணை இயக்குனர் ஆனந்த் கூறுகையில், 'கட்டடம் இடிந்து ஒருவர் பலியானது குறித்து விசாரணை நடத்தப்படும்,' என்றார்.

• 1.இன்றையநிகழ்ச்சி - மதுரை.
• 2. மதுரை எய்ம்ஸ் மருத்துவமனைக்கு ஜப்பானில் நிதி திரட்டியிருக்கலாம் முதல்வர் மீது பா.ஜ., விமர்சனம்
• 3. மருத்துவ பல்கலை நீச்சல் போட்டி முடிவுகள்
• 4. பள்ளிப் பாடத்தில் சட்டம் இடம்பெற நீதிபதி வலியுறுத்தல்
• 5. ஆர்ப்பாட்டம்
• 6. நிர்வாகிகள் தேர்வு
• 7. கழிவுநீர் பம்பிங் ஸ்டேஷன் திறப்பு 
• 8. சர்க்கரை செட்டியார் பிறந்தநாள் விழா
• 9. சிதைந்த ரோடால் தினமும் பரிதவிக்கும் கிராம மக்கள்
• 10. மழையால் நிரம்பிய வரதமாநதி அணை