மயிலாடுதுறை: சீர்காழி அருகே வைத்தீஸ்வரன்கோவிலில் வைத்தியநாத சாமி கோவில் பிரமோற்சவ விழாவை முன்னிட்டு நாய் ஓட்டம் நரி ஓட்டம் எனும் யானை ஓடி விளையாடும் வைபவம் சிறப்பாக நடந்தது. திரளான பக்தர்கள் சாமி தரிசனம் செய்தனர்.
மயிலாடுதுறை மாவட்டம் சீர்காழி அருகே வைத்தீஸ்வரன்கோயிவிலல் தருமபுர ஆதீனத்திற்கு உட்பட்ட அருள்மிகு தையல்நாயகி அம்மன் உடனாகிய வைத்தியநாதசுவாமி கோவில் அமைந்துள்ளது. நவகிரகங்களில் முதன்மையான செவ்வாய் ஸ்தலமாகவும், மேலும் சித்த மருத்துவத்தின் தலைவரான தன்வந்திரியும் தனி சன்னிதி கொண்டு அருள்பாலிக்கின்றனர். இக்கோவிலில் பிரமோற்சவ விழா கடந்த 27 ல்கொடியேற்றத்துடன் துவங்கியது.
விழாவின் முக்கிய நிகழ்வான இன்று முருகபெருமானின் தந்தையாகிய வைத்தியநாதசுவாமியும், தாயாகிய தையல்நாயகி அம்மனும் தீர்த்த வாரிக்காக வீதியுலா செல்லும் போது ஆலயத்தில் தனியாக இருக்கும் முருக பெருமானுக்கு விளையாட்டு காட்டுவதற்காக யானை ஓடிவந்து வணங்கி விளையாடுவது ஐதீகம்.
பிரம்மோற்சவ விழாவின் மூன்றாவது நாளான இன்று(மார்ச் 30 ) பரிவாரங்களுடன் அம்பாள் சுவாமி தீர்த்தவாரிக்கு புறப்பட்டனர். சுவாமிகள் வீதியுலா செல்லும் வரை அமைதியாக நிற்க்கும் யானை, பின்னர் முருக பெருமான் மயில் வாகனத்தில் எழுந்தருளும் போது அதிவேகமாக ஓடி, மீண்டும் திரும்பி ஓடிவந்து சப்தம் எழுப்பியவாறு முருகபெருமானை வணங்கியது.
நாய் ஓட்டம் நரி ஓட்ட வைபவம் என்று அழைக்கப்படும் யானை ஓடும் இக்காட்சியை திரளான பக்தர்கள் கண்டு தரிசனம் செய்தனர்.அதனை தொடர்ந்து அஸ்திரதேவர், விநாயகர், அம்பாள், சண்டிகேஸ்வரர் வீதியுலா நடைபெற்றது.
- 1.விஷ வண்டுகள் கடித்து கூலி தொழிலாளிகள் 11 பேர் படுகாயம்
- 2.சென்னை - நெல்லை வந்தே பாரத் எக்ஸ்பிரஸ் சோதனை ஓட்டம்
- 3.ஒன்றிய செய்திகள் - கரூர்
- 4. உள்ளாட்சி துறை சங்கம் சார்பில் ஆர்ப்பாட்டம்
- 5.இடிந்து விழும் நிலையில் தொட்டி இடிக்கும் பணி தொடக்கம்
- 6.செய்திகள் சில வரிகளில்... கரூர்
- 7. வே.பாளையத்தில் 23 சிலைகள் விசர்ஜனம்
- 8. சமுதாய கூடத்தில் பாடம் படிக்க முடியாமல் திணறும் மாணவர்கள்
- 9. கரூர் மருத்துவ கல்லூரி மருத்துவமனையில் காத்திருப்பு அறையில் இருக்கையின்றி தவிப்பு
- 10. கோரிக்கை பேட்ஜ் அணிந்து பணியில் ஈடுபட்ட வருவாய் துறை அலுவலர்கள்
Copyright © 2023 Dinamalar - No.1 Tamil website in the world. Designed and Hosted by Web Division,Dinamalar. | Contact us