Dinamalar

கிருஷ்ணகிரி:கிருஷ்ணகிரி அருகே கழுத்தை நெரித்து பெண் கொலை செய்யப்பட்டார்.

கிருஷ்ணகிரி அருகே தொன்னையன்கொட்டாய் கிராமத்தைச் சேர்ந்தவர் சரஸ்வதி, 51. கணவரை இழந்தவர். குழந்தைகளும் இல்லை.

தனியாக வசித்த அவர், தன் சகோதரர்கள் மற்றும் அவர்களது பிள்ளைகள் அரவணைப்பில் இருந்தார். கிருஷ்ணகிரி பழையபேட்டையில் இருந்த, நிலத்தை 35 லட்சம் ரூபாய்க்கு சமீபத்தில் விற்றார்.

அவர் வசிக்கும் பகுதியிலேயே புது வீடு ஒன்றையும் கட்டி வந்தார்.

இந்நிலையில், நேற்று முன் தினம் காலை, சரஸ்வதி வீடு நீண்ட நேரமாகியும் திறக்கவில்லை.

கதவும் வெளிப்புறமாக தாழிட்டு இருந்ததால், சந்தேகமடைந்த அப்பகுதி மக்கள் வீட்டை திறந்து பார்த்தபோது, கழுத்து நெரிக்கப்பட்ட நிலையில் சரஸ்வதி இறந்து கிடந்தார்.

தகவல் அறிந்து வந்த கிருஷ்ணகிரி டவுன் போலீசார், மோப்ப நாய் மற்றும் கைரேகை நிபுணர்களை வரவழைத்து தடயங்களை சேகரித்தனர்.

சரஸ்வதி வீட்டிலிருந்த நகைகள், அவர் அணிந்திருந்த ஒரு நகை தவிர மற்ற நகைகள் திருடு போகவில்லை என தெரிந்துள்ளது. ஆனால், சரஸ்வதி வீட்டிலிருந்த லட்சக்கணக்கான ரூபாய் கொள்ளை போயிருந்தது.

சரஸ்வதி வீட்டின் அரு‍கே வசிக்கும் லாரி டிரைவர் உட்பட இருவரிடம் போலீசார் விசாரித்து வருகின்றனர்.

• 1.மாற்று கட்சியினர் பா.ஜ.,வில் ஐக்கியம்
• 2.நாமக்கல் அரசு கல்லூரியில் சுற்றுச்சூழல் தினம் கடைப்பிடிப்பு
• 3.செய்திகள் சில வரிகளில்... நாமக்கல்
• 4.சாலை விபத்தில் தாய், மகள் பலி
• 5. பார்வையற்ற மா.திறனாளிகள் சங்க அலுவலகம் கட்ட மனு
• 6. நாமக்கல்லில் மாயமான சிறுமியர் கோவையில் மீட்பு
• 7. ஏரியில் வண்டல் மண் எடுக்க விவசாயிகளுக்கு அனுமதி
• 8. குடியிருப்பு நடுவே 3 டாஸ்மாக் மூட அப்பகுதி மக்கள் கோரிக்கை
• 9. 'சிப்காட்' தொழிற்பேட்டை அமைக்க எதிர்ப்பு: தர்ணா போராட்டத்தில் ஈடுபட்ட 100 பேர் கைது
• 10. எருமப்பட்டியில் இன்று மின்தடை ரத்து