Dinamalar

திருவள்ளூர்:திருவள்ளூர் பெரியகுப்பம் - மணவாள நகர் ரயில்வே மேம்பாலத்தின்கீழ்ப் பகுதியில், ஏராளமான நரிக்குறவர்கள் தங்கி உள்ளனர். அருகில், சினிமா தியேட்டர், 'டாஸ்மாக்' கடை உள்ளிட்ட கடைகள், குடியிருப்பு பகுதிகள் உள்ளன.

நேற்று முன்தினம் இரவு, பாலத்தின் கீழ் திடீரென, நாட்டு வெடிகுண்டு வெடிப்பது போல், பலத்த சத்தம் கேட்டது.

இதனால் அதிர்ச்சி அடைந்த அவ்வழியே சென்றவர்கள் அலறியடித்து ஓடினர்.

தகவல் அறிந்ததும், திருவள்ளூர் டவுன் போலீசார் வந்து விசாரணை நடத்தினர்.

இதில், நரிக்குறவர்கள் பாலத்தின் கீழ் 'டெண்ட்' அமைத்து, பல ஆண்டுகளாக வசித்து வருகின்றனர்.

அவர்கள் வைத்திருந்த, குருவி சுடும் நாட்டு துப்பாக்கி வெடித்ததா அல்லது வேறு நாட்டு வெடிகுண்டு உள்ளதா என, விசாரணை நடத்தினர்.

விசாரணையில், அங்கு வசித்து வருமுன், சூர்யா, 25, என்பவர், இரவு நேரத்தில் விலங்குகளை விரட்டுவதற்காக இரண்டு நாட்டு பட்டாசுகளை வைத்திருந்தார்.

அதன் மீது, பீடி பிடித்துக் கொண்டிருந்த அவர் பீடித் துண்டை துாக்கி வீசியெறிந்த போது, பட்டாசு வைத்திருந்த துணி கட்டில் பட்டதில் தீப்பற்றி வெடித்துள்ளதாக தெரிய வந்தது.

இதையடுத்து, போலீசார் அவர்களை எச்சரித்து, அனுப்பியுள்ளதாக, போலீசார் தெரிவித்தனர்.

• 1.தேநீர் குடித்து விட்டு பணம் தர மறுத்த போலீசார் சஸ்பெண்ட்
• 2.சாலை போட்டதும் நோண்டுவது, தோண்டுவது தவிர்ப்பு: 12 அரசு துறைகளை இணைத்து ஒருங்கிணைப்பு குழு!
• 3.அரபிக்கடலில் உருவானது 'பைபோர்ஜாய்' புயல்: வானிலை ஆய்வு மையம் அறிவிப்பு
• 4. உணவு பாதுகாப்பு தினம்
• 5. கிண்டி பல்நோக்கு, முதியோர் மருத்துவமனைக்கு பாதை எங்கே? இணைப்பு வசதியின்றி தீவு போல இருப்பதால் குழப்பம்
• 6.திடீர் மழை
• 7. மெட்ரோ 'பார்க்கிங்' சலுகை வரும் 14ம் தேதி முதல் அமல்
• 8. பகிங்ஹாம் கால்வாய் ஆக்கிரமிப்பு கணக்கெடுப்பு 5 கி.மீ.,க்குள் வீடு கேட்கின்றனர் மக்கள்
• 9. 'மெட்ரோ பாஸ்' திட்டம் துவக்கம்
• 10. காதலுக்கு வீட்டார் எதிர்ப்பு சிறுமி பலி; 2 பேர் 'சீரியஸ்'