Dinamalar

செங்குன்றம்:செங்குன்றம் ஜி.என்.டி., சாலை, முர்த்துஜா உசேன் தெரு சந்திப்பில், மழை நீர் வடிகாலுக்காக 8 அடி அகலம், 7 அடி ஆழத்தில், நேற்று முன்தினம் இரவு 11:00 மணி அளவில் பள்ளம் தோண்டினர்.

அப்போது, அங்கிருந்த உயர் மின் அழுத்த இணைப்பு, நாரவாரிக்குப்பம் பேரூராட்சியின் குடிநீர் குழாய் இணைப்பு, பொது தொலைபேசி இணைப்பு மற்றும் இணையதள இணைப்புகள் துண்டிக்கப்பட்டன.

இதனால், காய்கறி பஜார் மற்றும் வண்டிமேடு பகுதியில் உள்ள, 500க்கும் மேற்பட்ட வீடு, கடை, மருத்துவமனைகளுக்கு மின்சாரம் துண்டிக்கப்பட்டது.

தகவல் அறிந்த செங்குன்றம் மின் வாரிய அதிகாரிகள், நேற்று அதிகாலை 5:00 மணி முதல், மின் இணைப்பை சீரமைக்கும் பணியில் ஈடுபட்டனர். இதனால், 17 மணி நேரம் மின் வசதியின்றி பொதுமக்கள் அவதிப்பட்டனர். அதன் பிறகே மின் வினியோகம் சீரானது.

அடாவடி

நெடுஞ்சாலைத்துறை, மழை நீர் வடிகால் அமைக்கும் பணியை, மின் வாரியம், பேரூராட்சி நிர்வாகம், பொது தொலைபேசி நிர்வாகம் ஆகியவற்றுடன், முறையாக கலந்தாலோசித்து செய்ய வேண்டும். ஆனால், அடாவடியாக செயல்படும் அத்துறையால், செங்குன்றம் ஜி.என்.டி., சாலையில் உள்ள, 120க்கும் மேற்பட்ட மின் கம்பங்கள், 12 மின் மாற்றிகள் உறுதியிழந்து, ஆபத்தான நிலையில் உள்ளன.

நெடுஞ்சாலைத்துறையினர், அவற்றை தற்காலிகமாக சமாளிக்க, மின் வாரியத்தின் பாதுகாப்பு அனுமதி இரும்பு குழாய் மற்றும் மரச்சட்டங்களை வைத்து, 'முட்டு' கொடுத்துள்ளனர்.

அவை எதிர்பாராமல் சரிந்தால், அங்குள்ள மின் கம்பங்கள், மின் மாற்றிகள் சாலையில் விழுந்து, பெரும் அசம்பாவிதங்கள் ஏற்படும் 'அபாயம்' உள்ளது.

• 1.தோட்டக்கலை துறையின் ரூ.1,000 கோடி நிலம் மீட்பு!
• 2. தற்கொலை சம்பவங்கள்
• 3. குடிசையில் புகுந்து திருட்டு
• 4. சுகாதார சீர்கேடில் பாரதி நகர் குடியிருப்பு சேதமடைந்த கட்டடத்தால் மக்கள் பீதி
• 5. ரூ.1,000 கோடி நிலம் மீட்பு! தோட்டக்கலை துறையின் 115 கிரவுண்டு இடம் அண்ணா மேம்பாலம் அருகே அதிரடி நடவடிக்கை
• 6. சேக।ரிக்கப்பட்ட பொருட்கள் பரிமாற்றம் தாம்பரம் மாநகராட்சியில் ஏற்பாடு
• 7. சிறைவாசிகளின் உணவு முறை மாற்றம்
• 8. 3வது மாடியில் இருந்து விழுந்த தொழிலாளி பலி
• 9. 2.5 கிலோ கஞ்சா பறிமுதல்
• 10. ரயிலில் அடிபட்டு ஒருவர் பலி