Dinamalar

இதுகுறித்து கீழ்பவானி முறைநீர் பாசன விவசாயிகள் கூட்டமைப்பு, கீழ்பவானி ஆயக்கட்டு நில உரிமையாளர்கள் சங்கம், தமிழக விவசாயிகள் சங்கம் உள்ளிட்ட பல்வேறு சங்க நிர்வாகிகள் வெளியிட்டுள்ள அறிக்கையில் கூறியிருப்பதாவது: கீழ்பவானி வாய்க்கால் சீரமைப்பு, நீரியல் வல்லுனர்கள் குழுவால் தீர்மானிக்கப்பட்ட முறைப்படியான திட்டம். எனவே இத்திட்டத்தில் நீதிமன்றம் தலையிடாது.
எனவே அரசாணைப்படி வேலைகளை முழுமையாக செய்து, கீழ்பவானி கால்வாயை பாதுகாக்க வேண்டும், என உயர்நீதிமன்றம் தீர்ப்பு வழங்கியுள்ளது. கடந்த இரு ஆண்டாக, பல்வேறு காரணத்தால் தடைபட்டிருந்த, சீரமைப்பு வேலைகளை துவங்க, சென்னை உயர்நீதிமன்றம் வழங்கிய தீர்ப்பை, ஆயக்கட்டு பாசன விவசாயிகள் அமைப்புகள் வரவேற்கிறது. இப்பணிகளை தொடர்ந்து செயல்படுத்துவோம் என, தமிழக அரசும், முதல்வரும் உறுதியளித்துள்ளனர். எனவே அரசுக்கும் நன்றி தெரிவிக்கிறோம். இவ்வாறு அறிக்கையில் தெரிவித்துள்ளனர்.