Dinamalar

உடுமலை:உடுமலை, அமராவதி அணையில் இருந்து, பழைய ஆயக்கட்டு பாசனத்துக்கு, வரும் ஜூன் 1 முதல் நீர் திறக்க அரசுக்கு கருத்துரு அனுப்பப்பட்டுள்ளது.

திருப்பூர் மாவட்டம், உடுமலை அருகேயுள்ள அமராவதி அணையில் இருந்து, திருப்பூர், கரூர் மாவட்டத்திலுள்ள, 54,637 ஏக்கர் நிலங்கள் பாசன வசதி பெறுகின்றன.

அமராவதி பழைய ஆயக்கட்டு பாசனத்தின் கீழ், உடுமலை, மடத்துக்குளம் தாலுகாவில், கல்லாபுரம், ராகுளம், கொமரலிங்கம், கண்ணாடிபுத்துார், சோழமாதேவி, கணியூர், கடத்துார், காரத்தொழுவு ஆகிய எட்டு ராஜவாய்க்கால்களுக்கு உட்பட்ட, 7,520 ஏக்கர் நிலங்கள் பாசன வசதி பெறுகின்றன.

நடப்பு நீர்ப்பாசன ஆண்டில், பழைய ஆயக்கட்டு ராஜவாய்க்கால் பாசன நிலங்களுக்கு, வரும் ஜூன் 1 முதல், குறுவை நெல் சாகுபடிக்கு நீர் திறக்க, விவசாயிகள் கோரிக்கையின் அடிப்படையில், நீர்வளத்துறை அதிகாரிகள் அரசுக்கு கருத்துரு அனுப்பியுள்ளனர்.

அதிகாரிகள் கூறுகையில், 'அமராவதி பழைய ஆயக்கட்டு பாசனத்துக்கு, ஜூன் 1 முதல், 135 நாட்களில், உரிய இடைவெளி விட்டு நீர் திறக்க அரசுக்கு கருத்துரு அனுப்பப்பட்டுள்ளது. அரசாணை வெளியிட்டதும், நீர் திறக்கப்படும்,' என்றனர்.

உயிர் தண்ணீர்

அமராவதி பழைய ஆயக்கட்டு பாசனத்தில், திருப்பூர், கரூர் மாவட்டங்களில், தாராபுரம், கரூர், அரவக்குறிச்சி தாலுகாவில், அலங்கியம் முதல் கரூர் வரை, 10 பழைய வாய்க்கால் பாசனத்துக்கு உட்பட்ட, 21,867 ஏக்கர் நிலங்கள் பாசன வசதி பெறுகின்றன.

அதேபோல், புதிய ஆயக்கட்டு பாசனத்தில், உடுமலை, மடத்துக்குளம், தாராபுரம் தாலுகாவிலுள்ள, 25,250 ஏக்கர் நிலங்கள் பயன்பெறுகின்றன.

பாசன பகுதிகளிலுள்ள நிலைப்பயிர்கள் மற்றும் கரும்பு அறுவடை முடிந்ததும், கட்டை கரும்பு மற்றும் நடவு மேற்கொள்ள, அமராவதி அணையிலிருந்து உயிர்த்தண்ணீர் திறக்க வேண்டும், என விவசாயிகள் வலியுறுத்தியுள்ளனர்.

ஜூனில், தென்மேற்கு பருவ மழை துவக்கியதும், அணை நீர் இருப்பை பொருத்து, நீர் திறக்கப்படும், என அதிகாரிகள் தெரிவித்தனர்.

• 1. 2.45 கோடி பக்க குற்றப்பத்திரிகை நகல் நிதி மோசடி வழக்கில் வழங்க நடவடிக்கை
• 2. குற்றப்பிரிவில் 10,000 வழக்குகள் தேக்கம் போலீஸ் பற்றாக்குறை முக்கிய காரணம்
• 3. பூசாரியை தாக்கிய ஏட்டு 'சஸ்பெண்ட்'
• 4. மேலும் 8 பேர் மீது குண்டாஸ்
• 5. அஞ்சலி செலுத்திய ஆசிரியர், மாணவர்கள்
• 6. ஆசிரியை மீது 6 பிரிவுகளில் வழக்கு
• 7. அமெச்சூர் நாடக உற்சவத்தில் மாணவர்களை கவர்ந்த 'எலிப்பொறி'
• 8. கர்நாடகாவில் இன்று பந்த் லாரி, பஸ்களை இயக்க தடை
• 9. ராமேஸ்வரம் அக்னி தீர்த்தத்தில் பக்தர் பலி
• 10. சாலை பணிகளை விரைந்து முடிக்க உத்தரவு