Dinamalar

உத்தமபாளையம் : உத்தமபாளையம் காளாத்தீஸ்வரர் கோயில் எதிரில் உள்ள முல்லையாற்றங்கரையில் தோஷம் நீக்க பரிகாரங்களில் துணிகள், கழிவு பொருள்களை அப்படியே விட்டு செல்வதால் சுகாதார கேடு நிலவுகிறது.

காளாத்தீஸ்வரர் உடனுறை ஞானாம்பிகை கோயில் பழமையும் புராதானமும் கொண்டது. இந்த கோயிலின் எதிர்புறம் முல்லைப் பெரியாறு தெற்கிலிருந்து வடக்கு நோக்கி செல்கிறது. முல்லையாற்றங்கரையில் வடக்கு ஓரம் உள்ள விநாயகர் சிலை பீடத்திற்கு கீழ் பகுதியில் புரோகிதர்களும், ஜோதிடர்களும் தினமும் தோஷம் நீங்க பரிகார பூஜைகள் செய்கின்றனர்.

பரிகார பூஜைகள் முடிந்தபின், பக்தர்கள் அணிந்திருந்த வேட்டி, சட்டை, துண்டு, சேலை போன்றவற்றையும், கழிவுகளையும் அங்கேயே குவித்து விட்டு செல்கின்றனர். சிலர் ஆற்றில் வீசி மாசு படுத்துகின்றனர்.

பரிகார பூஜைகள் முடிந்தபின் வேட்டி, துணிகளை பொதுமக்கள் குளிக்கும் படித்துறை அருகில் குவித்து வைப்பதால் சுகாதாரக்கேடு நிலவுகிறது.

குளிக்க வரும் பொதுமக்கள் முகம் சுளிக்கின்றனர். ஹிந்து சமய அறநிலையத்துறை அல்லது பேரூராட்சி நிர்வாகம் ஆற்றங்கரை மாசுபடாமல் இருக்கவும், அதேசமயம் பரிகார பூஜைகள் செய்ய இடையூறு இல்லாமலும் இருக்க தேவையான நடவடிக்கைகள் எடுக்க வேண்டும்.

• 1. விருதுநகரில் ரயில் மறியல்
• 2. உண்டியலில் ரூ.1.74 லட்சம்
• 3. அறங்காவலர் குழு தலைவர் தேர்வு
• 4. அமைச்சர் ஆய்வு
• 5. விக்டோரியா எட்வர்டு மன்ற முறைகேடு புகார்; பதிவாளர் விசாரணை நடத்த தடை இல்லை மேல்முறையீட்டு மனுக்கள் பைசல்
• 6. போலீஸ் செய்திகள்
• 7. ரோடு ஆக்கிரமிப்பை அகற்ற நடவடிக்கை தேவை
• 8. விவசாயிகளுக்கு பயிற்சி
• 9. சிறுதானிய உணவு கண்காட்சி
• 10. மாணவிகள் பயணம்