Dinamalar

நாமக்கல்: ''லாரிகளுக்கு, 'ஆன்லைன்' மூலம் அபராதம் விதிப்பதை ரத்து செய்யக்கோரி, வரும் ஜூன், 6ல், சென்னையில், உண்ணாவிரத போராட்டம் நடக்கிறது,'' என, மாநில லாரி உரிமையாளர்கள் சம்மேளன தமிழக தலைவர் தன்ராஜ் கூறினார்.
இதுகுறித்து, நாமக்கல்லில் அவர் நிருபர்களிடம் கூறியதாவது:

தமிழகத்தில் இயக்கப்படும் லாரிகள், ட்ரெய்லர்கள், டேங்கர் லாரிகள், கன்டெய்னர் லாரிகள் உள்ளிட்ட கனரக வாகனங்களுக்கு, 'ஆன்லைன்' மூலம் அபராதம் விதிக்கப்பட்டு வருகிறது. அதனால், செய்யாத குற்றத்திற்கு அபராதம் செலுத்த வேண்டிய நிர்ப்பந்தம் ஏற்பட்டுள்ளது. வாகனங்கள் தமிழகத்தில் இயக்கப்படும்போது, வேறு மாநிலத்தில் இயக்கப்படுவது போல், ஆன்லைனில் அபராதம் விதிக்கப்படுகிறது. வெளிமாநிலங்களில் இயக்கப்படும் லாரிகளுக்கு, தமிழகத்தில் அபராதம் விதிக்கப்படுகிறது.
போலீசார் மற்றும் மோட்டார் வாகன போக்குவரத்து அலுவலர்கள், வாகன எண்ணைக்கூட சரியாக பார்க்காமல், 'ஆன்லைன்' மூலம் அபராதம் விதிக்கின்றனர். மேலும், டி.ஜி.பி.,யை நேரில் சந்தித்து முறையிட்டோம். ஆனால், ஆன்லைன் அபராதம் விதிப்பது தொடர்கதையாக உள்ளது. அவற்றை கண்டித்து, சென்னை ராஜரத்தினம் ஸ்டேடியத்தில், வரும், ஜூன், 6ல், தமிழகம் முழுவதும் உள்ள அனைத்து லாரி உரிமையாளர்கள் சங்கத்தினர் ஒன்றிணைந்து, மாபெரும் உண்ணாவிரத போராட்டத்தில் ஈடுபட உள்ளோம்.
மத்திய, மாநில அரசுகள், லாரி உரிமையாளர்களின் பிரச்னைகளை தீர்க்க நடவடிக்கை எடுக்காவிட்டால், அகில இந்திய மோட்டார் டிரன்ஸ்போர்ட் காங்கிரஸ் (ஏ.ஐ.எம்.டி.சி.,) சேர்மன் சண்முகப்பா ஆலோசனைப்படி, காலவரையற்ற லாரி நிறுத்த போராட்டத்தில் ஈடுபட உள்ளோம்.
இவ்வாறு அவர் கூறினார்.
சம்மேளன செயலாளர் ராமசாமி, பொருளாளர் தாமோதரன் உள்பட பலர் உடனிருந்தனர்.

• 1. கடந்தாண்டு மூட்டை ரூ.2,500; தற்போது ரூ.300: முட்டைகோசிற்கு விலையின்றி விவசாயிகள் தவிப்பு
• 2. சிறு, குறுந்தொழிற்சாலைகள் ஸ்டிரைக்: ஓசூர், சேலத்தில் ரூ.700 கோடி இழப்பு
• 3.தர்மபுரியில் இன்று அமைச்சர் உதயநிதி பங்கேற்கும் கட்சி, அரசு நிகழ்ச்சிகள்
• 4. ஓசூர் பட்டு வளர்ச்சி அலுவலக வளாகத்திற்குள் சாலை அமைக்க அனுமதியால் வாகன ஓட்டிகள் நிம்மதி
• 5. விவசாய கருவி வாங்க நிர்ப்பந்திப்பதை தடுக்க கூட்டுறவு பணியாளர் சங்கம் மனு
• 6.செய்திகள் சில வரிகளில்...
• 7.தொடர் மழையால் விவசாயிகள் நிலக்கடலை அறுவடையில் தீவிரம்
• 8. வீட்டுமனை பட்டா கேட்டு கலெக்டரிடம் பெண்கள் மனு
• 9. தர்மபுரி மாவட்ட விளையாட்டு மைதானத்தை அகலப்படுத்த அமைச்சர் நடவடிக்கை எடுப்பாரா?
• 10. கர்நாடகாவில் இன்று முழு அடைப்பு: தமிழக எல்லையில் அரசு பஸ்கள் நிறுத்தம்