Dinamalar

பள்ளத்தில் இறங்கிய லாரி
குமாரபாளையம் அருகே, சேலம்-கோவை புறவழிச்சாலையில், நேற்று காலை, 11:௦௦ மணியளவில் கிரானைட் லோடு ஏற்றி வந்த லாரி, கத்தேரி பிரிவு பஸ் ஸ்டாப் அருகே பள்ளத்தில் இறங்கியது. அதன் டிரைவர் முயற்சித்தும், லாரி சாலையின் மேல் ஏற முடியாமல் திணறியது. தகவலறிந்த குமாரபாளையம் போலீசார், சென்னையை சேர்ந்த லாரி டிரைவர் பாலாஜி, 58, என்பவரிடம் விசாரித்ததில், கிரானைட் லோடு ஏற்றி வந்த லாரி, ஆந்திரா மாநிலம், குண்டூரிலிருந்து, கோவைக்கு சென்றது தெரியவந்தது. பின், பொக்லைன் இயந்திர உதவியுடன் லாரி பள்ளத்தில் இருந்து மீட்கப்பட்டது.

கொல்லிமலையில்

'பிளாஸ்டிக்' விழிப்புணர்வு
கோடை விடுமுறையை முன்னிட்டு, கொல்லிமலைக்கு ஏராளமான சுற்றுலா பயணிகள் வந்து செல்கின்றனர். கொல்லிமலையில் உள்ள முக்கிய சுற்றுலா தலங்களில், பிளாஸ்டிக் பயன்பாட்டை தவிர்க்கும் வகையில், வனத்துறையின் சார்பில் ஆகயா கங்கை நீர்வீழ்ச்சி அருகே விழிப்புணர்வு நிகழ்ச்சி நடந்தது. வனச்சரக அலுவலர் சுப்பராயன் தலைமை வகித்தார். கொல்லிமலை வனச்சரகத்துக்குட்பட்ட ஆகாய கங்கை நீர்வீழ்ச்சியில், சுற்றுச்சூழலை பாதுகாக்கும் வகையில் நெகிழிபை பயன்பாடு தவிர்ப்பு, துணி பைகளின் நன்மை, சுற்றுச்சூழல் பாதுகாப்பு குறித்து பொதுமக்களுக்கும், சுற்றுலா பயணிகளுக்கும் விழிப்புணர்வு ஏற்படுத்தி உறுதிமொழி எடுத்துக்கொண்டனர்.

ராசிபுரம் நகராட்சி குப்பையை
பொக்லைன் மூலம் அகற்ற முடிவு
ராசிபுரம் நகராட்சி குப்பையை, பொக்லைன் இயந்திரம் மூலம் அகற்ற தீர்மானம் நிறைவேற்றப்பட்டது.
ராசிபுரம் நகராட்சியின் நகர்மன்ற கூட்டம், சேர்மன் கவிதா தலைமையில் நடந்தது. கமிஷனர் அசோக்குமார் முன்னிலை வகித்தார். நகராட்சி பகுதியில் கடந்த காலத்தில் மழை உள்ளிட்டவைகளால் சேதமடைந்த, 4,240 மீட்டர் தார் மற்றும் கான்கிரீட் சாலைகளை, 1.71 கோடி ரூபாய் மதிப்பில் சீரமைக்கவும், ராசிபுரம் அடுத்துள்ள சந்திரசேகரபுரத்தில் நகராட்சி சுகாதார பொது பிரிவில் பராமரிக்கப்பட்டு வரும் குப்பை கிடங்கில் உள்ள குப்பையை, பொக்லைன் இயந்திரம் மூலம் அப்புறப்படுத்தவேண்டும் என்பன உள்ளிட்ட, 22 தீர்மானங்கள் நிறைவேற்றப்பட்டன. கூட்டத்தில் சுகாதார அலுவலர் செல்வராஜ், மேலாளர் வசந்தா, நகராட்சி உதவி செயற்பொறியாளர் கார்த்திக் மற்றும் கவுன்சிலர்கள் கலந்து கொண்டனர்.

மாற்று கட்சியினர்
கொல்லிமலை யூனியன், 14 பஞ்சாயத்துகளில் இருந்து பல்வேறு கட்சியை சேர்ந்த, 100க்கும் மேற்பட்டோர் அக்கட்சியில் இருந்து விலகி, தி.மு.க.,வில் இணையும் விழா, செம்மேட்டில் நடந்தது. சேந்தமங்கலம் எம்.எல்.ஏ., பொன்னுசாமி, எம்.பி., ராஜேஸ்குமார், வனத்துறை அமைச்சர் மதிவேந்தன் ஆகியோர் பங்கேற்றனர். இவர்கள் முன்னிலையில், கொல்லிமலை பகுதியை சேர்ந்த மாற்று கட்சியினர், 100க்கும் மேற்பட்டோர் தி.மு.க.,வில் இணைந்தனர்.

உதவி இயக்குனர் திடீர் ஆய்வு
மல்லசமுத்திரம் டவுன் பஞ்சாயத்தில், நேற்று உதவி இயக்குனர் திடீர் ஆய்வு மேற்கொண்டார்.
மல்லசமுத்திரம் டவுன் பஞ்சாயத்துக்குட்பட்ட பஸ் ஸ்டாண்டில், கலைஞர் நகர்புற மேம்பாட்டு திட்டத்தில், கூடுதல் விரிவாக்க பணிகள் நடந்து வருகின்றன. இப்பணிகளை, நேற்று, டவுன் பஞ்., உதவி இயக்குனர் கணேஷ்ராம் திடீர் ஆய்வு மேற்கொண்டார்.
அப்போது, ஒப்பந்ததாரர், இளநிலை பொறியாளர், செயல் அலுவலரிடம், பணிகளை விரைந்து முடிக்க அறிவுறுத்தினார். டவுன் பஞ்., தலைவர் திருமலை, செயல் அலுவலர் ரவிக்குமார் மற்றும் அலுவலர்கள் உடனிருந்தனர்.
மனைவி மாயமானதாக அவரது கணவர் போலீசில் புகாரளித்துள்ளார்.
எருமப்பட்டி அருகே, போடிநாய்க்கன்பட்டியை சேர்ந்தவர் கிருஷ்ணமூர்த்தி, 25; கூலித்தொழிலாளி. இவருக்கு கடந்த மாதம், அக்கா மகளான சகுந்தலா, 19, என்ற பெண்னுடன் திருமணம் நடந்தது. இந்நிலையில், வீட்டில் தனியாக இருந்த சகுந்தலா, கடந்த, 25ல் திடீரென மாயமானார்.
இதுகுறித்து, கிருஷ்ணமூர்த்தி அளித்த புகார்படி, எருமப்பட்டி போலீசார் புதுப்பெண்ணை தேடி வருகின்றனர்.

நேரு நினைவு நாள் அனுசரிப்பு
நாமக்கல் கிழக்கு மாவட்ட காங்., சார்பில், முன்னாள் பிரதமர் நேருவின், 59வது நினைவு தினம், நாமக்கல்லில் அனுசரிக்கப்பட்டது. மாவட்ட தலைவர் சித்திக் தலைமை வகித்தார். நாமக்கல் நேரு பூங்காவில் உள்ள அவரது சிலைக்கு, மாலை அணிவித்து மரியாதை செலுத்தப்பட்டது. நகர தலைவர் மோகன், பொறியாளர் அணி நிர்வாகி பொன்முடி, கொல்லிமலை வட்டார தலைவர் குப்புசாமி, ஐ.என்.டி.யு.சி., நிர்வாகி செல்வம், மாவட்ட, நகர, வட்டார நிர்வாகிகள், உறுப்பினர்கள் உள்பட பலர் மலரஞ்சலி செலுத்தினர்.

 

• 1. கடந்தாண்டு மூட்டை ரூ.2,500; தற்போது ரூ.300: முட்டைகோசிற்கு விலையின்றி விவசாயிகள் தவிப்பு
• 2. சிறு, குறுந்தொழிற்சாலைகள் ஸ்டிரைக்: ஓசூர், சேலத்தில் ரூ.700 கோடி இழப்பு
• 3.தர்மபுரியில் இன்று அமைச்சர் உதயநிதி பங்கேற்கும் கட்சி, அரசு நிகழ்ச்சிகள்
• 4. ஓசூர் பட்டு வளர்ச்சி அலுவலக வளாகத்திற்குள் சாலை அமைக்க அனுமதியால் வாகன ஓட்டிகள் நிம்மதி
• 5. விவசாய கருவி வாங்க நிர்ப்பந்திப்பதை தடுக்க கூட்டுறவு பணியாளர் சங்கம் மனு
• 6.செய்திகள் சில வரிகளில்...
• 7.தொடர் மழையால் விவசாயிகள் நிலக்கடலை அறுவடையில் தீவிரம்
• 8. வீட்டுமனை பட்டா கேட்டு கலெக்டரிடம் பெண்கள் மனு
• 9. தர்மபுரி மாவட்ட விளையாட்டு மைதானத்தை அகலப்படுத்த அமைச்சர் நடவடிக்கை எடுப்பாரா?
• 10. கர்நாடகாவில் இன்று முழு அடைப்பு: தமிழக எல்லையில் அரசு பஸ்கள் நிறுத்தம்