Dinamalar

சாத்துார் : சாத்துார் அருகே தாமிரபரணி குடிநீர் திட்ட பகிர்மானக் குழாயில் உடைப்பு ஏற்பட்டு குடிநீர் வீணாகி வருகிறது.

சாத்துார் நகராட்சிக்கு தாமிரபரணி குடிநீர் திட்டத்தின் மூலம் நாள்தோறும் 30 லட்சம் லிட்டர் குடிநீர் வினியோகம் செய்யப்பட வேண்டும். இந்த நிலையில் கடந்த 3 மாதங்களாக நாள்தோறும் 5 லட்சம் லிட்டர் குடிநீர் மட்டுமே வினியோகமாகி வருகிறது. இதனால் நகராட்சி பகுதியில் கடும் குடிநீர் தட்டுப்பாடு நிலவி வருகிறது.

குறைந்த அளவு குடிநீரை வைத்து 5 நாட்களுக்கு ஒரு முறை பகுதி வாரியாக நகராட்சி குடிநீர் வினியோகம் செய்து வருகிறது.

இந்நிலையில் சாத்துார் நகராட்சிக்கு வழங்கப்படும் 5 லட்சம் லிட்டர் குடிநீரும் ஆங்காங்கே குழாய்கள் உடைப்பு ஏற்படுவதால் வீணாக வெளியேறி வருகிறது.

இதனால் நகராட்சியில் குடிநீர் தட்டுப்பாடு மேலும் அதிகரிக்கும் அவல நிலை உள்ளது. நகராட்சி சார்பில் குழு அமைக்கப்பட்டு குழாய் உடைப்பு ஏற்படுவதை கண்காணிக்க வேண்டும்.

குழாய் உடைப்பு ஏற்பட்டவுடன் குடிநீர் வடிகால் வாரிய அதிகாரிகள் கவனத்திற்கு கொண்டு சென்று உடைப்பை சரி செய்யவும் நடவடிக்கை எடுக்க வேண்டும்.

தற்போது சாத்துார் நகராட்சிக்கு வரும் தாமிரபரணி திட்ட குழாய் சாத்துார் - கோவில்பட்டி நான்கு வழி சாலையில் சத்திரப்பட்டி கிராமம் அருகே குழாயில் உடைப்பு ஏற்பட்டு தண்ணீர் வீணாக வெளியேறி வருகிறது.

கடந்த சில வாரங்களுக்கு முன்பு இதே பகுதியில் குழாய் உடைப்பு ஏற்பட்டு தண்ணீர் வீணான நிலையில் தற்போது மீண்டும் குழாயில் உடைப்பு ஏற்பட்டு தண்ணீர் வீணாகி வருகிறது.

• 1. விசாவில் அமெரிக்கா தாராளம்
• 2. நாளை (செப்.27 ) மின்தடை
• 3. நாட்டு நலப்பணி முகாம்
• 4. விழிப்பின்றி விணடிப்பு விடிந்து பல மணி நேரம் ஆகியும் ஒளிரும் தெரு விளக்குகள் ஆளே இல்லாத அலுவலக அறைகளில் சுழலும் மின்விசிறிகள்
• 5. காரியாபட்டியில் பயன்பாட்டிற்கு வந்த பயணியர் நிழற்குடை
• 6. சிங்கம்புணரியிலும் டெங்கு சுகாதாரப் பணிகள் மந்தம்
• 7. காரியாபட்டியில் பயன்பாட்டிற்கு வந்த பயணியர் நிழற்குடை
• 8. மகளிர் உரிமைத்தொகை கேட்டு குவிந்த பெண்கள் திணறிய கலெக்டர் அலுவலகம் 
• 9. மாணவர்களின் அச்சத்தை ஆசிரியர் போக்க வேண்டும் கல்வி இயக்குநர் 'அட்வைஸ்'
• 10. குளம்போல் தேங்கும் கழிவுநீர்-; டெங்கு பாதித்தும் அலட்சியம் கணவாய்ப்பட்டி ஊராட்சியில் தினம் தினம் மக்கள் அவதி