Dinamalar

கோவை: பாரதியார் பல்கலையின் கீழ் உள்ள கல்லுாரிகளில், இளநிலை தேர்வுகளே முடியாத நிலையில், முதுநிலை பாடங்களுக்கு 'அட்மிஷன்' அறிவிக்கப்பட்டதால், பேராசிரியர்கள் அதிருப்தியடைந்துள்ளனர்.

பாரதியார் பல்கலையின் கீழ், 142 கல்லுாரிகள் உள்ளன. தன்னாட்சி கல்லுாரிகள் தவிர மற்ற கல்லுாரிகளில், இளநிலை மூன்றாமாண்டு மாணவர்களுக்கான தேர்வு, வரும் 14ம் தேதி வரை நடக்கிறது. மதிப்பீட்டு பணிகள், ஜூன் 21ம் தேதி துவங்குகிறது.

தேர்வுகளே முடியாத நிலையில், பாரதியார் பல்கலையில் முதுநிலை பாடங்களுக்கான சேர்க்கைக்கு விண்ணப்பிக்க அறிவிப்பு வெளியிடப்பட்டுள்ளது. மேலும், வரும் 31ம் தேதி வரை மட்டுமே விண்ணப்பிக்க கால அவகாசம் அளிக்கப்பட்டுள்ளது. இறுதி செமஸ்டர் தேர்வு நடக்கும் நிலையில், முதுநிலை பாடங்களுக்கு விண்ணப்பிக்க முடியாத சூழலில் மாணவர்கள் இருப்பதாக, பேராசிரியர்கள் அதிருப்தி தெரிவித்துள்ளனர்.

அரசு பல்கலை ஆசிரியர் சங்க துணை தலைவர் திருநாவுக்கரசு கூறுகையில், ''பாரதியார் பல்கலையின் கீழ் உள்ள கல்லுாரிகளில் செமஸ்டர் தேர்வுகள் நடக்கின்றன. இதை அறிந்தும், முதுநிலை பாடங்களுக்கு அட்மிஷன் துவங்கியிருப்பது அதிருப்தியை ஏற்படுத்துகிறது. இந்த அறிவிப்பால், பல்கலையில் நேரடியாக படிக்க காத்திருக்கும் மாணவர்கள் பாதிக்கப்படுவர்,'' என்றார்.

பாரதியார் பல்கலை பதிவாளர் (பொ) முருகவேல் கூறுகையில், ''துணைவேந்தர் கமிட்டியில் உள்ள இருவர் வெளிநாட்டில் இருப்பதால், அவர்களுடன் கலந்தாலோசித்து, முதுநிலை பாடங்களுக்கு விண்ணப்பிக்கும் தேதி நீட்டிக்க திட்டமிடப்பட்டுள்ளது,'' என்றார்.

• 1. போலி நகை அடகு வைத்து ரூ.2.45 லட்சம் மோசடி
• 2. காவிரி பிரச்னைக்கு என்ன தீர்வு சொல்கிறார் வானதி சீனிவாசன்
• 3.சிறு துவார அறுவை சிகிச்சையில் ஒரு மைல்கல்!
• 4. அகந்தைக்கு அடியோடு முடிவு கட்டுங்கள்!
• 5. 'இண்டியா' கூட்டணிக்கு பிரதமராக யாரையும் முன்னிறுத்த மாட்டோம்: மா.கம்யூ., செயலாளர் பாலகிருஷ்ணன் பேட்டி
• 6. ஊட்டியில் இரண்டாவது சீசன் மலர் காட்சி; துவக்கி வைத்த சுற்றுலா துறை அமைச்சர்
• 7. பதிவுத்துறை மாஜி டி.ஐ.ஜி.,க்கு சொத்து குவிப்பு வழக்கில் சிறை
• 8.சிறுமிக்கு பாலியல் தொல்லை: தாய்மாமன், தாய்க்கு 20 ஆண்டு
• 9. பட்டா மாறுதலுக்கு லஞ்சம்; வி.ஏ.ஓ., உதவியாளர் கைது
• 10. பொள்ளாச்சி - காசி சிறப்பு ரயில் இயக்கம்: 1,320 பேர் ஆன்மிக பயணம்