Dinamalar

ஈரோடு: திட்டம் விரைவில் தொடங்கவுள்ள நிலையில், அத்திக்கடவு திட்டத்தில் உபரி நீர் எடுப்பது எப்படி? என்று, விவசாயிகள் கேள்வி எழுப்பியுள்ளனர்.
வேளாண் குறைதீர் கூட்டம், ஈரோட்டில் கலெக்டர் ராஜகோபால் சுன்கரா தலைமையில் நடந்தது. டி.ஆர்.ஓ., சந்தோஷினி
சந்திரா முன்னிலை வகித்தார்.

இதில் விவசாயிகள், பல்வேறு சங்க நிர்வாகிகள் பேசியதாவது:
ஆந்திரா, கர்நாடகா போல் தமிழகத்திலும், அரசே மஞ்சளுக்கு விலை நிர்ணயம் செய்து, கொள்முதல் செய்ய வேண்டும்.
சர்வேயர் பற்றாக்குறையால் நில அளவீடு பாதித்துள்ளது. அத்திக்கடவு-அவினாசி திட்டப்பணி முடிந்து வரும், 12ல் முதல்வர் திறக்க உள்ளதாக அறிந்தோம்.
இத்திட்டத்தில் மழை காலத்தில் உபரி நீர் எடுக்கலாம். ஆனால், வறட்சியின் போதும், பிற குளம், ஏரிகள் நிரம்பி வரும்போது எந்த உபரி நீர் எடுக்கப்படும் என்பதை தெரிவித்து திறப்பு விழா நடத்த வேண்டும். கொடிவேரி அருகே மிகப்பெரிய தனியார் பிராசசிங் மில், விரிவாக்கம் செய்யும் பணி நடக்கிறது. நீர் நிலைகளை பாதிக்கும்படி
அமைவதால், அனுமதிக்ககூடாது.
அந்தியூர், பர்கூர் பகுதியில் வனவிலங்குகள் சரணாலயம் அமைக்கும் முன், மக்கள் கருத்து கேட்க வேண்டும். மலைப்பகுதியில் தடை செய்யப்பட்ட உரங்கள், பூச்சி மருந்து விற்கக்கூடாது.
கீழ்பவானியில் பழைய, பழுதடைந்த கட்டுமானங்களை மட்டும் சீரமைக்க வேண்டும். வேளாண் துறை, தோட்டக்கலை துறை அதிகாரிகள் களப்பணிக்கு வருவதில்லை. மரவள்ளி கிழங்கை தாக்கும் நோயால், விவசாயிகள் சிரமப்படுவதை தடுக்க வேண்டும். சாய, சலவை உள்ளிட்ட எந்த வகை ஆலையாக இருந்தாலும், நீர் நிலைகளில் இருந்து, 5 கி.மீ.,க்குள் அமைக்க கூடாது. இவ்வாறு அவர்கள் பேசினர்.

• 1. கைதிகளுக்கு மொபைல் வழங்கிய மாவட்ட சிறை காவலர் 'சஸ்பெண்ட்'
• 2. மகளிர் உரிமை தொகை பெற மேல் முறையீடு: தாலுகாவுக்கு 3,000 பேர் வரை பதிவு
• 3.பாண்டியாறு-மோயாறு இணைப்பு திட்டம் : எம்.பி., மூலம் அரசிடம் வலியுறுத்த முயற்சி
• 4.செய்திகள் சில வரிகளில்... ஈரோடு
• 5. காவிரியில் நீர் திறக்க வலியுறுத்தி ஆர்ப்பாட்டம்
• 6.கோபி அருகே பஸ் - ஆம்புலன்ஸ் மோதிய விபத்தில் 17 பேர் காயம்
• 7. பழங்குற்றவாளிகள் இருவர் குண்டர் சட்டத்தில் கைது
• 8. சாலையை கடக்க முயன்ற செவிலியர் கார் மோதி பலி
• 9. புரட்டாசி இரண்டாவது சனிக்கிழமை பெருமாள் கோவில்களில் கூட்டம்
• 10. வீட்டு மனை பட்டா கேட்டு காத்திருப்பு போராட்டம்