Dinamalar

திங்கள்நகர்:இரணியல் போலீஸ் ஸ்டேஷன் அருகே தபால் நிலையத்தில் கொள்ளையடிக்க முயன்ற சம்பவம் பரபரப்பை ஏற்படுத்தியது.

கன்னியாகுமரி மாவட்டம் இரணியல் போலீஸ் ஸ்டேஷன் அருகே, நெய்யூர் துணை தபால் நிலையம் அமைந்துள்ளது. கடந்த 29ம் தேதி இரவு, முன்பக்க மரக்கதவை உடைத்து தபால் நிலையத்துக்குள் புகுந்த கொள்ளையர், பணம் வைத்திருக்கும் லாக்கரை உடைக்க முயற்சி செய்துள்ளனர்.

ஆனால், லாக்கரை உடைக்க முடியவில்லை. ஏமாற்றம் அடைந்த கொள்ளையர், தபால் நிலையத்தில் அதிகாரிகளின் பயன்பாட்டுக்காக வைத்திருந்த செல்போன்களை எடுத்துச் சென்றனர்.

நேற்று முன் தினம் காலை, பணிக்கு வந்த ஊழியர்கள் முன்பக்க கதவு உடைக்கப்பட்டு இருப்பதைப் பார்த்து அதிர்ச்சி அடைந்தனர். இரணியல் போலீசுக்கு தகவல் தெரிவித்தனர்.

போலீசார் மற்றும் கைரேகை நிபுணர்கள் வந்து தடயங்களை சேகரித்தனர். இந்த தபால் நிலையத்தில் போஸ்ட் மாஸ்டர் உட்பட 12 ஊழியர்கள் பணிபுரிகின்றனர். அவர்களிடமும் போலீசார் விசாரணை நடத்தினர்.

இந்தச் சம்பவம் அப்பகுதியில் பரபரப்பை ஏற்படுத்தியது. லாக்கரை உடைக்க முடியாததால் அதில் வைத்திருந்த நான்கு லட்சம் ரூபாய் பணம் தப்பியது.

• 1. ரூ. 36 கோடி திமிங்கல உமிழ்நீர் கட்டி பறிமுதல் 6 பேர் கைது
• 2. கடலில் படகு கவிழ்ந்து மீனவர்கள் மூவர் மாயம்
• 3. ரூ. 36 கோடி திமிங்கல உமிழ்நீர் கட்டி பறிமுதல்
• 4. 'தினமலர்' நிறுவனர் டி.வி.ஆர்., அறக்கட்டளை சொற்பொழிவு
• 5. படகு கவிழ்ந்து மூவர் மாயம்
• 6. நெற்பயிரில் குலைநோய் தாக்குதல் 'ட்ரோன்' வாயிலாக மருந்து தெளிப்பு
• 7. சொல்வதற்கு ஒன்றுமில்லை மாணவி கிரீஷ்மா வேதனை
• 8. குமரியில் தொடரும் மழையால் அணைகளில் நீர்மட்டம் உயர்வு
• 9. டாஸ்மாக் விற்பனை சரிவு அதிகாரிகள் தீவிர ஆய்வு
• 10. அதிக கடன் தொல்லையால் விஷம் குடித்த தம்பதி பலி