Dinamalar

ஈரோடு:ஈரோடில் பட்டப்பகலில் ரவுடியை, மற்றொரு ரவுடிக் கும்பல், கத்தியால் குத்திக் கொலை செய்தது.

ஈரோடு வீரப்பன்சத்திரம் ஜான்சி நகர் அம்பேத்கர் நகரைச் சேர்ந்தவர் சந்தோஷ், 29. நேற்று முன் தினம் மதியம், 3:30 மணிக்கு கனிராவுத்தர் குளத்தில் இருந்து பி.பெ.அக்ரஹாரம் செல்லும் சாலையோரம் நான்கு பேர் சேர்ந்து, சந்தோஷை கத்தியால் சரமாரியாக குத்தி விட்டு தப்பினர். அதே இடத்தில் துடிதுடித்து உயிரிழந்தார். தகவல் அறிந்து வந்த போலீசார், உடலை மீட்டு அரசு மருத்துவமனைக்கு அனுப்பி, வழக்குப் பதிவு செய்தனர்.

இதுகுறித்து போலீசார் கூறியதாவது:

பி.பெ.அக்ரஹாரத்தை சேர்ந்த ஜின்னா, 30, என்பவருடன், சந்தோஷூக்கு முன் விரோதம் இருந்தது. மது குடித்து விட்டு வந்த சந்தோஷை வழிமறித்து, ஜின்னா தலைமையிலான நான்கு பேர் வாக்குவாதம் செய்துள்ளனர்.

அப்போது ஜின்னா, சூரிக்கத்தியால் சந்தோஷை சரமாரியாக குத்திக் கொலை செய்துள்ளார். கொலைக்கு பயன்பட்ட சூரிக்கத்தி கைப்பற்றப்பட்டுள்ளது. கொலையான சந்தோஷ் மீது வீரப்பன்சத்திரம், சூரம்பட்டி ஆகிய போலீஸ் ஸ்டேஷன்களில் குற்ற வழக்குகள் நிலுவையில் உள்ளன.

ஜின்னா மீதும் அடிதடி உள்ளிட்ட பல்வேறு வழக்குகள் இருக்கின்றன.

சந்தோஷின் தம்பிகளான அழகிரி, லோகேஸ்வரன் மீதும் பல்வேறு வழக்குகள் உள்ளன. அழகிரி தற்போது சிறையில் உள்ளார்.

இவ்வாறு போலீசார் கூறினர்.

• 1. கைதிகளுக்கு மொபைல் வழங்கிய மாவட்ட சிறை காவலர் 'சஸ்பெண்ட்'
• 2. மகளிர் உரிமை தொகை பெற மேல் முறையீடு: தாலுகாவுக்கு 3,000 பேர் வரை பதிவு
• 3.பாண்டியாறு-மோயாறு இணைப்பு திட்டம் : எம்.பி., மூலம் அரசிடம் வலியுறுத்த முயற்சி
• 4.செய்திகள் சில வரிகளில்... ஈரோடு
• 5. காவிரியில் நீர் திறக்க வலியுறுத்தி ஆர்ப்பாட்டம்
• 6.கோபி அருகே பஸ் - ஆம்புலன்ஸ் மோதிய விபத்தில் 17 பேர் காயம்
• 7. பழங்குற்றவாளிகள் இருவர் குண்டர் சட்டத்தில் கைது
• 8. சாலையை கடக்க முயன்ற செவிலியர் கார் மோதி பலி
• 9. புரட்டாசி இரண்டாவது சனிக்கிழமை பெருமாள் கோவில்களில் கூட்டம்
• 10. வீட்டு மனை பட்டா கேட்டு காத்திருப்பு போராட்டம்