Dinamalar

சேலம்:சேலம் அருகே ரவுடியை கொல்ல முயன்ற மற்றொரு ரவுடி, சரமாரியாக வெட்டி படுகொலை செய்யப்பட்டார். இது தொடர்பாக, சிக்கிய ரவுடியின் குடும்பத்தினர், நான்கு பேரிடம் போலீசார் விசாரிக்கின்றனர்.

சேலம், அரிசிபாளையத்தைச் சேர்ந்த மாரியப்பன் மகன் பிரபாகரன், 26, ரவுடி. அதே பகுதியைச் சேர்ந்த விஜயகுமார் கொலை வழக்கில், பள்ளப்பட்டி போலீசாரால் கைது செய்யப்பட்டார்.

இந்த விவகாரத்தில், அதே பகுதியைச் சேர்ந்த ரவுடி ரவிக்குமார், 47, என்பவர் தான், போலீசுக்கு தகவல் கொடுத்து தன்னை சிக்க வைத்ததாகபிரபாகரன் சந்தேகப்பட்டார்.

இந்நிலையில், சிறையில் இருந்து வெளியே வந்த பிரபாகரன், பள்ளப்பட்டியைச் சேர்ந்த ரவுடி யோகேஷ்வரன், 28, என்பவருடன் சேர்ந்து, நேற்று முன்தினம் இரவு, 11:30 மணிக்கு கத்தி உள்ளிட்ட ஆயுதங்களுடன் ரவிக்குமார் வீட்டுக்கு வந்தனர்.

வெளியே நின்றிருந்த ரவிக்குமாரிடம் பேச்சு கொடுத்தனர். ரவிக்குமார் தலையில் கத்தியால் வெட்டினர். சுதாரித்த ரவிக்குமார், யோகேஷ்வரனை சரமாரியாக வெட்டி கொன்று தப்பினார்.

காயம் அடைந்த ரவிக்குமார் மற்றும்பிரபாகரன், சேலம் அரசு மருத்துவமனையில் அனுமதிக்கப்பட்டுள்ளனர்.

கொலை தொடர்பாக, ரவிக்குமாரின் மனைவி நாகராணி, 45, மகன்கள் ராகுல், 24, பரத், 21, மேலும், 18 வயது சிறுவனிடம் பள்ளப்பட்டி போலீசார் விசாரிக்கின்றனர்.

• 1. பொதுமக்களிடம் தர்மஅடி வாங்கியவர் தப்பி ஓட்டம்
• 2. சிறுத்தையிடமிருந்து மக்களை பாதுகாக்க நடவடிக்கை எடுக்கப்படும்: வன அலுவலர்
• 3. கோவில் நிலத்தில் குவாரி அமைத்து மோசடி: ஐகோர்ட் உத்தரவையடுத்து கலெக்டர் விசாரணை
• 4. கரட்டில் நடமாடிய சிறுத்தை கூண்டு வைத்த வனத்துறை
• 5. 'நாங்க படும் பாட்டை வந்து பாருங்க' கலெக்டர் காரை வழிமறித்து கோரிக்கை
• 6. அரசு விடுதியில் அமைச்சர் உதயநிதி ஆய்வு: வார்டனை 'சஸ்பெண்ட்' செய்ய உத்தரவு
• 7.'அலைபாயுதே' பாணியில் திருமணம்; அல்ப ஆயுளில் மரணம்: பாதை மாறிய சேலம் கல்லூரி மாணவிக்கு நேரிட்ட கதி
• 8. பலத்த போலீஸ் பாதுகாப்புடன் ஓசூரில் விசர்ஜன ஊர்வலம்
• 9. டூவீலர் பழுது நீக்குவோர் சங்கத்துக்கு தனி நலவாரியம் ஏற்படுத்த தீர்மானம்
• 10. நவ., 1ல் ஆஞ்சநேயர் கோவில் கும்பாபிஷேகம்