Dinamalar

திருக்கோவிலுார்-திருக்கோவிலுார் அஷ்டலட்சுமி நகர் பகுதியில் அடிக்கடி ஏற்படும் மின்தடையால் மக்கள் அவதியடைந்து வருகின்றனர்.

திருக்கோவிலுார் நகராட்சி அலுவலகம் அருகே அமைந்துள்ள விரிவாக்க நகரான அஷ்டலஷ்மி நகரில் சமீப காலங்களில் குடியிருப்புகளின் எண்ணிக்கை அதிகரித்துள்ளது. அதற்கேற்ப மின்துறை சார்பில், டிரான்ஸ்பார்மர் அமைக்கவில்லை. இதனால், குறைந்தழுத்த மின்வினியோகம் வீடுகளில் மின் சாதனங்களை பழுதடையச் செய்கிறது. இரவு நேரங்களில் மின்தடை ஏற்படுகிறது.

மின் ஊழியர்களுக்கு தகவல் தெரிவித்தால் காலையில் வந்து தான் மின் விநியோகத்தை சரி செய்கின்றனர்.

இது குறித்து அப்பகுதியினர், கூடுதல் டிரான்ஸ்பார்மரை ஏற்படுத்தி அவ்வப்போது ஏற்படும் மின்தடையை சீரமைக்க வேண்டும் என மின்துறை அதிகாரிகளுக்கு பலமுறை கோரிக்கை வைத்தும் நடவடிக்கை இல்லை.

இதன் காரணமாக கொளுத்தும் கோடை வெயிலில் ஏற்படும் மின்தடையால் அஷ்டலஷ்மி நகர் மக்கள் மிகுந்த இன்னலுக்கு ஆளாகி வருகின்றனர்.

எனவே, கூடுதல் டிரான்ஸ்பார்மரை நிறுவி தடையற்ற மின்வினியோகம் ஏற்படுத்த வேண்டும் என்பது அப்பகுதி மக்களின் எதிர்பார்ப்பாக உள்ளது.

• 1. கார் கவிழ்ந்து விபத்து; ஐந்து பேர் காயம்
• 2. தடுப்பு காவல் சட்டத்தில் சாராய வியாபாரி கைது 
• 3. 32 பேர் மீது வழக்குப் பதிவு 
• 4.கடலூர் சில்வர் பீச்சில் புத்தக திருவிழா ஏற்பாடு! அரங்குகள் அமைக்கும் பணி தீவிரம்
• 5. தாட்கோ கடன் பெற்றவர்களுக்கு வட்டி, அபராத வட்டி தள்ளுபடி
• 6. பாரம்பரியத்தை நினைவூட்டிய 'நம்ம ஸ்ட்ரீட்' நிகழ்ச்சி; சிதம்பரத்தில் பொதுமக்கள் உற்சாகம்
• 7. மாவட்ட அளவிலான கூடைப்பந்து போட்டி; அண்ணாமலை பல்கலை., கோப்பை வென்றது
• 8. ஆபத்தான நிலையில் இருந்த மின்கம்பம் மாற்றியமைப்பு
• 9. மலையாண்டவர் கோவில் சாலை பணி கிடப்பில்; காற்றில் பறந்த கலெக்டர் உத்தரவு
• 10. வயல்வெளி விழா