Dinamalar

போடி : போடி அருகே சிலமலை மெயின் ரோட்டில் இருந்து அம்மா பூங்கா, பிற்படுத்தப்பட்டோர் மாணவர் விடுதிக்கு செல்லும் பாதையில் ரோடு அமைக்க கற்கள் கொட்டி, மண் மேவி 5 ஆண்டுகளாக ரோடு சீரமைப்பு பணி கிடப்பில் உள்ளது.

போடி ஒன்றியம், சிலமலை மெயின் ரோட்டில் இருந்து சிலமலை அரசு மேல்நிலைப்பள்ளி பின்புறம் அமைந்துள்ள அம்மா பூங்கா, பிற்படுத்தப்பட்டோர் மாணவர் விடுதிக்கு செல்லும் பாதையில் ரோடு வசதி இன்றி மண் பாதையாக உள்ளது.

இதனால் மாணவர்களும், பொதுமக்களும் சிரமடைந்து வந்தனர். மக்களின் சிரமங்களை போக்கும் வகையில்,சிலமலை மெயின் ரோட்டில் இருந்து அம்மா பூங்கா, உடற்பயிற்சி கூடம், பிற்படுத்தப்பட்டோர் மாணவர் விடுதிக்கு செல்லும் வகையில் ரோடு அமைக்க ரூ. 4 லட்சம் நிதி ஒதுக்கீடு செய்யப்பட்டது.

இதில் உடனே கற்கள் கொட்டி மண் மேவப்பட்டு 5 ஆண்டுகளாகி விட்டது. இன்னும் பணிகள் முடிவடையாமல் கிடப்பில் போடப்பட்டுள்ளன.

மழை பெய்யும் போது மண் அரிப்பு ஏற்பட்டு கற்கள் பெயர்ந்து வருகின்றன.

இதனால் பூங்கா, உடற்பயிற்சி கூடம், பிற்படுத்தப்பட்டோர் விடுதிக்கு செல்லும் மாணவர்கள் என பலரும் சிரமம் அடைந்து வருகின்றனர்.

ரோடு பணியை விரைந்து முடிக்க மாவட்ட நிர்வாகம் நடவடிக்கை எடுக்க வேண்டும்.

• 1. விரகனுார் அணை 'ஷட்டர்'கள் சரிபார்ப்பு
• 2. தேசிய கேரம்: மதுரைக்கு தங்கம்
• 3. தேசிய செஸ் போட்டி- மாணவிக்கு பாராட்டு
• 4. வாலிபால் போட்டி ஆலோசனை கூட்டம்
• 5. பயிர் காப்பீடு செய்ய ரெடியா
• 6. விழிப்புணர்வு பிரசாரம்
• 7. வீணாகி வரும் பேட்டரி வாகனங்கள்
• 8. தேசிய யோகா போட்டியில் வென்ற மதுரை மாணவர்கள்
• 9. கையெழுத்து இயக்கம்
• 10. சிலம்பாட்டத்தில் உலக சாதனை