Dinamalar

தஞ்சாவூர்:தஞ்சாவூர் அருகே காணாமல் போன கடக்கன் ஏரியை மீட்டுத்தர, கிராம மக்கள் கலெக்டரிடம் முறையிட முடிவு செய்துள்ளனர்.

தஞ்சாவூர் மாவட்டம், பூதலுார் அருகே வெண்டையம்பட்டி பெரிய ஏரியின் வடிகால், 24.70 லட்சம் ரூபாய் மதிப்பீட்டில் துார் வாரப்பட்டு வருகிறது.

இந்த வாய்க்கால் முழுதும் ஆக்கிரமிக்கப்பட்டுள்ளதால், அவற்றை அகற்றி, பணிகளை மேற்கொள்ள, பொதுப்பணித் துறை மற்றும் வருவாய்த் துறை அதிகாரிகளிடம் கிராம மக்கள் மனு அளித்தனர்.

மேலும், இ.கம்யூ., கட்சியினர் மே 23ல், இது தொடர்பாக காத்திருப்பு போராட்டம் நடத்தினர்.

பூதலுார் தாசில்தார் பெர்சியா, பொதுப்பணித் துறை உதவி செயற்பொறியாளர் தினேஷ் கண்ணன் பேச்சு நடத்தினர்.

பின், மே 26 முதல் வருவாய் துறையினர் அளவீடு பணியை துவங்கினர். அப்போது, வெண்டையம்பட்டி பெரிய ஏரி வடிகால் வாய்க்காலின் ஓரத்தில், காங்கேயம்பட்டி பகுதியைச் சேர்ந்த, 34.5 ஏக்கரில் உள்ள கடக்கன் ஏரி, அடையாளமே இல்லாத அளவுக்கு ஆக்கிரமிக்கப்பட்டிருந்தது தெரிய வந்தது.

இதையறிந்து அதிகாரிகள் அதிர்ச்சியடைந்தனர். ஏரியின் மெய்க்கால் புறம்போக்கு பகுதி ஆக்கிரமிக்கப்பட்டு இருப்பதும் கண்டுபிடிக்கப்பட்டது.

இந்திய கம்யூ., ஒன்றிய செயலர் முகில் கூறியதாவது:

காணாமல் போன ஏரியையும், வடிகால் வாய்க்காலையும் மீட்டுத்தர வேண்டுமென, கலெக்டரிடம் முறையிட உள்ளோம். காணாமல் போன ஏரி முழுமையாக வயல் வெளியாகவும், மண் திட்டாகவும் காட்சி அளிக்கிறது.

ஒரு ஏரியே காணாமல் போகும் அளவிற்கு, அதை பராமரிக்காமல் அலட்சியமாக இருந்த பொதுப்பணித் துறை அதிகாரிகள் மீது நடவடிக்கை எடுக்க வேண்டும்.

இவ்வாறு, அவர் தெரிவித்தார்.

• 1. கிருஷ்ணராயபுரத்தில் பூக்கள் விலை சரிவு
• 2. அரசு மகளிர் பள்ளியில் நாட்டு நலப்பணித் திட்டம் துவக்கம்
• 3. சட்ட விரோத மது விற்பனை 315 மதுபாட்டில்கள் பறிமுதல்
• 4.நெடுஞ்சாலை துறை பணியாளர்கள் முதல்வருக்கு கோரிக்கை மனு
• 5.புகழூரில் பொருத்தப்பட்ட 110 'சிசிடிவி' கேமரா
• 6.ஆட்டு குட்டிகளுக்கு தடுப்பூசி முகாம் தொடக்கம்: கலெக்டர்
• 7.காவிரி - குண்டாறு திட்டபணிகளில் வேகம் தேவை
• 8.பணிதள பொறுப்பாளரை மாற்றக்கோரி கிராம பஞ்., அலுவலகம் முற்றுகை
• 9. எஸ்.எஸ்.ஐ.,யை கொலை செய்தவருக்கு ஆயுள் சிறை
• 10. முசிறி அருகே காவிரி ஆற்றில் காளி சிலை கண்டெடுப்பு