Dinamalar

பெண்ணாடம்-பெண்ணாடம் பிரளயகாலேஸ்வரர் கோவிலில், நள்ளிரவில் மர்ம நபர்கள் உண்டியலை உடைத்து காணிக்கையை திருட முயன்ற சம்பவம் பரபரப்பை ஏற்படுத்தி உள்ளது.

கடலுார் மாவட்டம், பெண்ணாடத்தில் ஆயிரம் ஆண்டுகள் பழமை வாய்ந்த அழகிய காதலி அம்மன் உடனுறை பிரளயகாலேஸ்வரர் கோவில் உள்ளது. இக்கோவில் புனரமைக்கும் பணி, நடந்து வருகிறது.

வழக்கம் போல், நேற்று முன்தினம் இரவு 8:30 மணியளவில் நடை மூடப்பட்டு, கோவில் பணியாளர்கள் வீட்டிற்கு சென்றனர். கோவில் புனரமைப்பு பணியில் ஈடுபட்டுள்ளவர்கள் முன் மண்டபம் அருகே உள்ள குடியிருப்பில் தங்கி உள்ளனர். அவர்களில் சிலர் மாடியில் துாங்கினர்.

நள்ளிரவு 1:00 மணியளவில் மர்ம நபர் இருவர் அம்மன் கோவில் முன் மண்டபம் பகுதியில் உள்ள 20 அடி உயரம் கொண்ட மதில் சுவரில் நடந்து சென்றனர். இதை பார்த்த தொழிலாளிகள் கோவில் பணியாளர்களுக்கு தகவல் தெரிவித்தனர்.

கோவில் பணியாளர்கள் வந்து பார்த்தபோது பிரளயகாலேஸ்வரர், அம்மன் சன்னதியில் இருந்த உண்டியலின் ஒரு பூட்டு உடைக்கப்பட்டிருந்தது.

மற்றொரு பூட்டை உடைக்க முடியாததால் காணிக்கை திருடு போகவில்லை. பின்னர் கோவிலுக்குள் பதுங்கி இருந்த 2 மர்ம நபர்களை போலீசார் உதவியுடன் பணியாளர்கள் துரத்தி பிடிக்க முயன்றனர். ஆனால் இருவரும் தப்பிச் சென்றனர்.

தடய அறிவியல் நிபுணர்கள் தடயங்களை சேகரித்தனர். பெண்ணாடம் போலீசார் வழக்குப் பதிந்து விசாரித்து வருகின்றனர்.

• 1. திருக்கல்யாண உற்சவம்
• 2. கள்ளக்குறிச்சியில் வேலைவாய்ப்பு முகாம் வசந்தம் கார்த்திகேயன் எம்.எல்.ஏ., அழைப்பு
• 3. ஏரி, வரத்து வாய்க்கால்களை சீரமைக்க விவசாயிகள் கோரிக்கை: மழைக்கு முன்பாக நடவடிக்கை எடுக்க வலியுறுத்தல்
• 4. விநாயகர் சிலை கரைப்பதில் பிரச்னை பலத்த போலீஸ் பாதுகாப்புடன் விஜர்சனம்
• 5. அரியபெருமானுாரில் வயல் விழா
• 6. பாலினம் குறித்து தகவல் தெரிவிக்கும் ஸ்கேன் சென்டர், மருத்துவமனை மீது நடவடிக்கை கலெக்டர் ஷ்ரவன்குமார் எச்சரிக்கை
• 7. அரசு மருத்துவ கல்லுாரியில் மருந்தியல் புலனாய்வு வார விழா
• 8. டாஸ்மாக் மூடல்
• 9. சங்கராபுரம் அரசு ஐ.டி.ஐ.,யில்  நேரடி மாணவர் சேர்க்கை
• 10. மகாகவி மெட்ரிக் பள்ளியில் ஆரஞ்சு தினம் கொண்டாட்டம்