Dinamalar

சோழவந்தான் : சோழவந்தான் அருகே மேலக்காலில் நீரோடை ஆக்கிரமிப்பை அகற்ற நீதிமன்றம் உத்தரவிட்டும் அதிகாரிகள் காலம் கடத்தி வருவதால், விவசாயிகள் அல்லல்படுகின்றனர்.

இப்பகுதி அய்யாச்சாமி ஓடை ஆக்கிரமிப்பால் சுருங்கி வாய்க்கால் போல மாறியுள்ளது. ஆக்கிரமிப்புகளை அகற்ற கொடிமங்கலம் கிராம வனப் பாதுகாப்பு குழுத் தலைவர் சாந்தி உயர்நீதிமன்றம் மதுரை கிளையில் வழக்கு தொடுத்தார். இதில் உள்ள ஆக்கிரமிப்புகளை அகற்றும்படி, கடந்த 2020ல் வாடிப்பட்டி தாசில்தாருக்கு நீதிமன்றம் உத்தரவிட்டது. அதன்பின்னும் அதிகாரிகள் 3 ஆண்டுகளாக ஆக்கிரமிப்பை அகற்றாமல் இழுத்தடிப்பு செய்கின்றனர். இதனால் விவசாயிகள் பெரிதும் பாதிப்படைக்கின்றனர்.

விவசாயி கணேசன்: நீரோடையின் கரை வழியே நாகமலை அடிவார பகுதி வரை நடந்து செல்லலாம். தற்போது நீரோடையை சிலர் ஆக்கிரமித்துள்ளதால்அப்படி செல்ல இயலவில்லை. இதனால் 2 ஆண்டுகளாக 100க்கும் மேற்பட்ட ஏக்கரில் சாகுபடி செய்ய முடியாமல் தவிக்கிறோம். தற்போது நீர்வரத்து இன்றி வாய்க்கால், கிணறு, குளம் உள்ளிட்டவை வறண்டு கிடக்கின்றன, என்றார்.

கிராம வனப் பாதுகாப்பு குழுத் தலைவர் சாந்தி: ஆக்கிரமிப்பை அகற்ற நீதிமன்றத்தில் வழக்கு தொடுத்தேன். இவ்வழக்கை விசாரித்தும், வருவாய்த்துறை சர்வே செய்தும், ஆக்கிரமிப்பு உள்ளதை உறுதி செய்து அகற்றும்படி உயர்நீதிமன்றம் உத்தரவிட்டது.

ஆனால் 2 ஆண்டுகள் நிறைவடைந்தும் அரசு அதிகாரிகள் மெத்தனம் காட்டி வருகின்றனர். அதிகாரிகளின் செயல்பாடுகள் குறித்து நீதிமன்றத்தில் முறையிட உள்ளேன், என்றார்.

• 1. மதுரையில் தபால் குறைதீர் முகாம்
• 2. தேனி நகராட்சியில் அக்.10ல் ஆக்கிரமிப்பு அகற்றும் பணி துவங்கும்; ஆலோசனைக் கூட்டத்தில் கமிஷனர் பேச்சு
• 3. 'இன்று போய் நாளை வா'... குறைகளை கூறினால் கேலி; ஆதங்கத்தில் அந்தோணியார் நகர் குடியிருப்போர்
• 4. கும்பக்கரை அருவியில் தொடரும் வெள்ளப்பெருக்கு
• 5. 'லொள்' பிரச்னை தாங்க முடியல; தெருக்கள் தோறும் உலா வரும் நாய்களால் தொல்லை பார்த்தாலே தெரித்து ஓடும் சிறார்கள்,அப்பாவி மக்கள்
• 6. சுருளி அருவியில் சாரல் விழா சாத்தியமா
• 7.மேகமலை அணைகளின் நீர் மூன்று ஆண்டுகளாக வீணாகிறதே! அதிகாரிகளின் கவனக்குறைவால் மின் உற்பத்தி பாதிப்பு
• 8. சிறந்த வீரர்களுக்கான விருது வழங்கும் விழா
• 9. கணவாய்ப்பட்டி ஊராட்சியில் சுகாதாரப்பணிகள் தீவிரம்
• 10. மாமியாரை தாக்கிய மருமகன் கைது