Dinamalar

பள்ளிபாளையம்: களியனுார் பகுதியில் விதிமீறி செயல்பட்ட, 2 சாய ஆலைகளுக்கு, 'சீல்' வைக்கப்பட்டது.
பள்ளிபாளையம் சுற்றுவட்டாரத்தில் ஏராளமான சாய ஆலைகள் செயல்பட்டு வருகின்றன. இதில் பெரும்பாலானவை விதிமுறையை மீறி செயல்பட்டு வருகின்றன. சுத்திகரிப்பு செய்யாமல் நேரடியாக சாயக்கழிவுநீர் வெளியேற்றுவதால், காவிரியாற்றில் கலந்து தண்ணீர் மாசடைந்து வருகிறது. இந்த தண்ணீரை பயன்படுத்தும் மக்களுக்கு, பல்வேறு உடல்சார்ந்த பிரச்னைகள் ஏற்படுகின்றன. மீன் வளமும் பாதிக்கப்படுகிறது.
கடந்த பல ஆண்டாக, குமாரபாளையம் மாசுக்கட்டுப்பாட்டுவாரிய அதிகாரிகள், ஆய்வு செய்து விதிமுறை மீறி செயல்பட்டு வரும் சாய ஆலைகளை கண்டறிந்து நடவடிக்கை எடுக்கின்றனர். ஆனாலும், சாய ஆலைகள் தொடர்ந்து விதிமுறை மீறி செயல்பட்டு வருகின்றன.

நேற்று காலை, குமாரபாளையம் மாசுக்கட்டுப்பாட்டுவாரிய சுற்றுச்சூழல் பொறியாளர் மணிவண்ணன் தலைமையில் அதிகாரிகள், பள்ளிபாளையம் அடுத்த களியனுார் பகுதியில் செயல்பட்டு வரும் சாய ஆலைகளில் ஆய்வு மேற்கொண்டனர். இதில், இரண்டு சாய ஆலைகள் விதிமுறை மீறி செயல்பட்டு வந்தது தெரியவந்தது.
இதையடுத்து, அந்த இரண்டு சாய ஆலைகளுக்கும் மின் இணைப்பு துண்டிக்கப்பட்டு, அதிகாரிகள் 'சீல்' வைத்தனர்.

• 1.பெருமாள் கோவில் நிலம் ரூ.2.26 லட்சத்துக்கு ஏலம்
• 2.சாமியார் வேடத்தில் நகை திருடியவர் கைது
• 3. முகம் சிதைக்கப்பட்டு பெண் படுகொலை வனப்பகுதியில் சடலத்தை மீட்டு விசாரணை
• 4.செய்திகள் சில வரிகளில்... நாமக்கல்
• 5. வழி தவறி வந்த மூதாட்டி உறவினரிடம் ஒப்படைப்பு
• 6. சாலையோரம் 6 அடி பள்ளம் தடுப்புச்சுவர் அமைக்க கோரிக்கை
• 7. குடியிருப்பு பகுதியில் செயல்படும் 'டாஸ்மாக்' கடையால் மக்கள் அவதி
• 8.27ல் கல்வி கடன் சிறப்பு முகாம் மாணவர், பெற்றோருக்கு அழைப்பு
• 9. கொசுப்புழு வளர்ப்பவர்களுக்கு அபராதம் குமாரபாளையம் நகராட்சி கமிஷனர் எச்சரிக்கை
• 10. 'கறிக்கோழி விற்பனையாளர்களுக்கு பாதுகாப்பு வழங்க வேண்டும்'