Dinamalar

திட்டக்குடி : பாலியல் தொல்லையால் தற்கொலை செய்து கொண்ட சிறுமிக்கு ஆதரவாக பொதுமக்கள் திடீர் சாலை மறியல் போராட்டத்தில் ஈடுபட்டதால் பரபரப்பு ஏற்பட்டது.

கடலூர் மாவட்டம், ராமநத்தம் அருகிலுள்ள கிராமத்தை சேர்ந்தவர் 14 வயது சிறுமி, ஒன்பதாம் வகுப்பு படித்தார். வாகையூர் கிராமத்தைச் சேர்ந்த செந்தில், என்பவர், பாலியல் தொந்தரவு கொடுத்ததால், சிறுமி, மே 22ம் தேதி தூக்கு போட்டு தற்கொலை செய்து கொண்டார்.

சிறுமியின் உடல் பிரேத பரிசோதனைக்குப்பின் ராமநத்தம் பகுதிக்கு நேற்று கொண்டு வரப்பட்டது. மாலை 3:30 மணியளவில் ஆம்புலன்ஸ் முன்பு அமர்ந்து, கிராம மக்கள் சாலை மறியல் போராட்டத்தில் ஈடுபட்டனர்.

இறந்த சிறுமியின் குடும்பத்திற்கு இழப்பீடு வழங்க வேண்டும். குற்றவாளிக்கு கடுமையான தண்டனை வழங்க வேண்டும் என்பது உள்ளிட்ட கோரிக்கைகளை வலியுறுத்தினர்.

திட்டக்குடி தாசில்தார் ரவிச்சந்திரன் மற்றும் ராமநத்தம் போலீசார் பேச்சுவார்த்தை நடத்தி போராட்டத்தை கை விட செய்தனர்.

சாலை மறியலின் போது, சிறுமிக்கு பாலியல் தொல்லை கொடுத்தவர் வீடு கல்வீசி தாக்கப்பட்டது.

• 1.சுகப்பிரசவத்தை அதிகரிக்க கர்ப்பிணிகளுக்கு இலவச யோகா
• 2. பிற்படுத்தப்பட்டோர் தொழில் துவங்க நிதி
• 3. வனப்பகுதியில் விதைப்பந்துகள்
• 4. கல்லுாரியில் கொலு பொம்மைகள் கண்காட்சி
• 5. தட்சிண அதிசயங்கள் சுற்றுலா ரயில் ; மதுரையில் செப்.28ல் புறப்படுகிறது
• 6. இன்றைய நிகழ்ச்சி// செப். 27
• 7. மாமனார் டூவீலரை எரித்த மருமகன்
• 8. மதுரையில் குட்கா, பான் மசாலா விற்ற 19 கடைகளுக்கு 'சீல்'
• 9. வரிச்சியூர் செல்வத்துக்கு 5 நாள் காவல்
• 10. தார் ரோடுன்னுதான் பேரு தைரியம் இருந்தா வந்து பாரு;  நரக வேதனை தரும் நரிமேடு ரோடு