Dinamalar

ஊட்டி: ''தேசிய கல்வி கொள்கையில் இளைஞர்களுக்கு அவர்களின் திறனுக்கு ஏற்ற கல்வி வழங்க நடவடிக்கை எடுக்கப்படுள்ளது,'' என, துணை வேந்தர்கள் மாநாட்டில் கவர்னர் ரவி பேசினார்.

நீலகிரி மாவட்டம், ஊட்டி ராஜ் பவனில் 'உயர்கல்வி நிறுவனங்களின் பாடப்புத்தகங்களை தமிழ் மொழியில் மொழிபெயர்ப்பது' என்ற தலைப்பில், மாநில மற்றும் தனியார் பல்கலைக்கழகங்களின் துணைவேந்தர்கள் பங்கேற்ற மூன்று நாள் மாநாடு நேற்று துவங்கியது.

அதனை துவக்கி வைத்து தமிழக கவர்னர் ரவி பேசியதாவது:

கடந்த, 10 ஆண்டுகளில் நம் நாட்டின் உள் கட்டமைப்புகள் அனைத்து மேம்பட்டுள்ளது. இதனால், 'ஸ்டார்ட் அப்' நிறுவனங்களின் வளர்ச்சி அதிகரித்துள்ளது.
உலக அளவில் 'ஸ்டார்ட் அப்' நிறுவனங்களின் வளர்ச்சியில், மூன்றாவது இடத்திற்கு நம்நாடு வளர்ந்துள்ளது.

நாடு முழுவதும் 'டிஜிட்டல்' மையமாகியுள்ளதால், பன்னாட்டு நிறுவனங்கள் நம் நாட்டில் முதலீடு செய்ய முன் வருகின்றன. திறன் வாய்ந்த மனித வளத்தை உருவாக்கினால் மட்டுமே அன்னிய முதலீடுகளை கவர முடியும்.

நாட்டில் உள்ள பிற மாநிலங்கள், தமிழகத்துடன் போட்டி போடும் அளவிற்கு முன்னறியுள்ளது. தமிழக கல்வி முறை இளைஞர்கள் திறன் மேம்பாடு அடையும் வகையில் மாற்றம் செய்ய வேண்டும். மாநில அரசு மற்றும் தனியார் பல்கலைக்கழகங்களின் துணை வேந்தர்கள் சிறந்த கல்வி மற்றும் திறன் வாய்ந்த இளைஞர்களை உருவாக்க ஒன்றிணைந்து செயல்பட வேண்டும்.

தேசிய கல்வி கொள்கை

அடிப்படை கல்விக்கு மட்டுமின்றி உயர்கல்விக்கும் தமிழகத்தில் முக்கியத்துவம் அளிக்க வேண்டும். பாலிடெக்னிக் கல்லுாரி, ஐ.டி.ஐ., மாணவர்களுக்கு பொறியியல் பட்டதாரிகளை விட நல்ல பணி கிடைகிறது. இதனால், குறைந்த ஊதியத்தில் பொறியியல் மாணவர்கள் கிடைத்த வேலையை செய்து வருகின்றனர்.

இன்றைய காலக்கட்டத்தில் இளைஞர்களுக்கு ஏற்ற கல்வி கிடைக்காததால் அவர்களின் திறன் பாதிக்கப்பட்டுள்ளது. இதனால், கல்வியில் மாற்றம் அவசியம். நமது தேசிய கல்வி கொள்கையில் இளைஞர்களுக்கு அவர்களின் திறனுக்கு ஏற்ற கல்வி வழங்க நடவடிக்கை எடுக்கப்பட்டுள்ளது.

முன்னதாக, ஓடிசா ரயில் விபத்தில் உயிரிழந்தவர்களுக்கு மவுன அஞ்சலி செலுத்தப்பட்டது.
மாநாட்டில், பல்கலைக்கழக மானியக்குழு தலைவர் ஜெகதேஷ் குமார் வீடியோ கான்பரன்ஸில் துணைவேந்தர்களிடம் உரையாற்றினார். பாரதிய பாஷா சமிதி தலைவர் சாமு கிருஷ்ண சாஸ்திரி, லக்னோ பல்கலைக்கழகத்தின் துணைவேந்தர் அலோக் குமார் ராய், இந்திராகாந்தி தேசிய திறந்தவெளி பல்கலைக்கழக துணைவேந்தர் நாகேஸ்வர ராவ், அனுவாதினி மொழிபெயர்ப்பு கருவி நிறுவனர் புத்தா சந்திரசேகர் ஆகியோர் பங்கேற்று பேசினர். இதை தொடர்ந்து, உலக சுற்று சூழல் தினத்தையொட்டி ராஜ்பவன் வளாகத்தில், கவர்னர் ரவி, மனைவி லக்ஷ்மியுடன் இரண்டு மரக்கன்று நடவு செய்தார்.

 

• 1.25 சவரன் தங்க நகைகளை திருடிய பெண் கைது
• 2.10 ஆயிரம் மலர் தொட்டிகளில் ' சந்திரயான்-3': சுற்றுலா பயணிகள் குதூகலம்
• 3.கோவையில் தார் ரோடுகளை ஆய்வு செய்த முதல்வர் ஸ்டாலின்
• 4.கோத்தகிரி அருகே கூலித்தொழிலாளி கொலை: இருவர் கைது
• 5.போலீஸ் ஸ்டேஷனை முற்றுகையிட்ட விவசாயிகள்! கள் இறக்குபவர்கள் மீது வழக்குப்பதிவதால் ஆவேசம்
• 6.4,700 மரக்கன்றுகள் நடும் பணி துவக்கம்
• 7. தலைமறைவு குற்றவாளி 12 ஆண்டுக்குப்பின் கைது
• 8.இன்ஸ்பெக்டரின் கணவர் கைது
• 9.கோவைக்கு 'ஸ்மார்ட் சிட்டி' விருது: 27ல் ஜனாதிபதி முர்மு வழங்குகிறார்
• 10.ஆயிரம் இடங்களில் கேலோ இந்தியா விளையாட்டு மையங்கள்: மத்திய அமைச்சர் அனுராக் தாக்கூர் பேச்சு