Dinamalar

ஆடை ரகங்களை கொள்முதல் செய்த ம.பி.,யை சேர்ந்த மூவர், 11.62 கோடி ரூபாயை தங்களிடம் மோசடி செய்துவிட்டதாக, திருப் பூர் உள்நாட்டு ஆடை உற்பத்தியாளர்கள் கலெக்டரிடம் மனு அளித்துள்ளனர்.
திருப்பூர் சுற்றுப்பகுதிகளை சேர்ந்த உள்நாட்டு ஆடை உற்பத்தியாளர்கள் பத்துக்கும் மேற்பட்டோர் திரண்டுவந்து, கலெக்டர் அலுவலகத்தில் நேற்று நடந்த குறைகேட்பு கூட்டத்தில் அளித்த மனு: மத்தியபிரதேசத்தை சேர்ந்த ராமச்சந்திரன், ராஜேஷ், ரத்தன் ஆகியோர், சென்னையில் நிறுவனம் நடத்தி வந்தனர். திருப்பூர், கோவை, வேலுார் என தமிழகத்தின் பல்வேறுபகுதி உற்பத்தியாளர்களிடமிருந்து, பல லட்சம் ரூபாய் மதிப்பிலான ஆயத்த ஆடை ரகங்களை கொள்முதல் செய்தனர்.
அதற்காக அவர்கள் கொடுத்த அனைத்து காசோலைகளும், கணக்கில் பணம் இல்லாமல் ரிட்டர்ன் ஆகிவிட்டது. திருப்பூரை சேர்ந்த 70 ஆடை உற்பத்தியாளர்களிடம், மொத்தம் 11.62 கோடி ரூபாய் மோசடி செய்தது தெரியவந்தது. இதுகுறித்து மத்திய குற்றப்பிரிவு போலீசார் வழக்குப்பதிவு செய்தனர்; ஆனால், தொடர் நடவடிக்கை இல்லை. முதலீடுகளை இழந்து, பெரும் இழப்பை சந்தித்துள்ள ஆடை உற்பத்தியாளர்களுக்கு, தமிழக அரசு நிவாரண உதவி வழங்கி கைகொடுக்கவேண்டும். இவ்வாறு அம்மனுவில் தெரிவித்துள்ளனர்.

• 1. 'என்னம்மா இப்படி பண்றீங்களேம்மா?' மப்பு வாலிபரால் கிறுகிறுத்த போலீசார்
• 2. கருங்கல்பாளையம் சந்தைக்கு கால்நடை வரத்து அதிகரிப்பு
• 3. மகன், மருமகனுக்கு தான் ஆட்சி: தாராபுரத்தில் அண்ணாமலை காட்டம்
• 4.மின் தடை ரத்தால் சென்னிமலை மக்கள் கொதிப்பு
• 5.செய்திகள் சில வரிகளில்... ஈரோடு
• 6. முதல்வர் ஸ்டாலின் பங்கேற்கும் கூட்டம்
• 7. மாநகரில் அமைதியாக நடந்த விநாயகர் சிலை ஊர்வலம்
• 8. உள்ளூர் வர்த்தக செய்திகள்
• 9. மின் வேலியால் பெண் பலி
• 10. 100 நாள் வேலை கேட்டு போராடும் மலைவாழ் மக்கள்