Dinamalar

மின்னுார்:விபத்தில் காயமடைந்த லாரி டிரைவருக்கு, தாடையில் சிக்கிய இரும்பு 'நட்' இருந்ததை அகற்றாமல், நர்ஸ் தையல் போட்டது சர்ச்சையானது.

திருப்பத்துார் மாவட்டம், மின்னுாரைச் சேர்ந்த லாரி டிரைவர் கார்த்திகேயன், 45, நேற்று முன்தினம் காலை, விபத்தில் காயமடைந்தார். வேலுார் அடுக்கம்பாறை அரசு மருத்துவமனையில் சேர்க்கப்பட்டார்.

அங்கு அவருக்கு தலை மற்றும் தாடையில் நர்சுகள் தையல் போட்டனர். இருப்பினும், வலி ஏற்பட்டதால், உறவினர்கள் நேற்று முன்தினம் மாலை, 5:00 மணிக்கு, அவரை அரியூர் நாராயணி மருத்துவமனைக்கு அழைத்துச் சென்றனர்.

அங்கு, எக்ஸ் - ரே, ஸ்கேன் எடுத்ததில், விபத்தின் போது, தாடையில் சிக்கிய நட் அகற்றாமல், கார்த்திகேயனுக்கு தையல் போட்டது தெரிந்தது. அவரது தாடையில் சிக்கிய நட் அகற்றப்பட்டு, சிகிச்சை அளிக்கப்பட்டது.

அவரது உறவினர்கள், அடுக்கம்பாறை அரசு மருத்துவமனை, டாக்டரிடம் கேட்டபோது, அவர்கள் முறையான பதில் அளிக்கவில்லை. அதையடுத்து, இந்த விவகாரம் சர்ச்சையை ஏற்படுத்தியது.

வேலுார் அரசு மருத்துவக் கல்லுாரி முதல்வர் பாப்பாத்தி கூறுகையில், ''குற்றம் நிரூபணமானால், சம்பந்தப்பட்டவர்கள் மீது துறை ரீதியாக நடவடிக்கை எடுக்கப்படும்,'' என்றார்.

• 1. கூரியர் நிறுவன ஊழியரிடம் போன் பறித்த மாணவர் கைது
• 2. தி.மலை கிரிவலப்பாதையில் சாதுக்கள் கைரேகை சேகரிப்பு
• 3. வகுப்பறையில் குரங்கு: மாணவியர் ஓட்டம்
• 4. ஒரே குடும்பத்தை சேர்ந்த மூவருக்கு டெங்கு; சிறுமி பலி
• 5. பள்ளி மைதான பள்ளத்தில் தேங்கிய மழைநீரில் மூழ்கி 2 மாணவியர் பலி
• 6. வீட்டின் சுவர் இடிந்து விழுந்து துாங்கி கொண்டிருந்தவர் பலி
• 7. நடுரோட்டில் பயணியரை இறக்கிய டிரைவர், கண்டக்டர் 'சஸ்பெண்ட்'
• 8. தந்தை வயிற்றை பிளேடால் கிழித்ததை தட்டி கேட்ட சிறுவன் மர்மச்சாவு
• 9. கிரிவலம் உகந்த நேரம் அறிவிப்பு
• 10. பட்டா மாற்ற லஞ்சம் வாங்கிய வி.ஏ.ஓ., கைது