Dinamalar

திருவொற்றியூர், திருவொற்றியூர், இந்திராகாந்தி நகர், கே.சி.பி., சாலையைச் சேர்ந்தவர் முருகன், 23. இவர், 5ம் தேதி மாலை, தேரடி, மேற்கு மாடவீதி, முகுந்தம்மன் கோவில் தெருவில் நடந்து சென்றார்.

அப்போது, அவரை வழிமறித்த நான்கு பேர் கும்பல், சரமாரியாக வெட்டி தப்பியது. படுகாயமடைந்த முருகனை, அக்கம் பக்கத்தினர் மீட்டு ஸ்டான்லி அரசு மருத்துவமனையில் சேர்த்தனர். திருவொற்றியூர் போலீசார் விசாரித்தனர்.

இதுதொடர்பாக, திருவொற்றியூர், பாலகிருஷ்ணா காலனியைச் சேர்ந்த சரவணகுமார், 20, சாந்தகுமார், 27, ஆனந்த், 22, சுபாஷ், 21, ஆகிய நான்கு பேரை நேற்று கைது செய்தனர்.

விசாரணையில், முருகனுக்கும், கைதான சரவணகுமாருக்கும் முன்விரோதம் இருந்துள்ளது.

இதன் காரணமாக, சரவணகுமார் தன் கூட்டாளிகளுடன் சேர்ந்து, கொலை வெறி தாக்குதல் நடத்தியது தெரிய வந்தது. கைதான சரவணகுமார், சாந்தகுமார் மீது, ஏராளமான வழக்குகள் உள்ளன. விசாரணைக்கு பின், நால்வரும் சிறையில் அடைக்கப்பட்டனர்.

 சென்னை, கொருக்குப்பேட்டை, அம்பேத்கர் நகரைச் சேர்ந்தவர் கவுஸ் பாஷா, 23. கடந்த, 5 ம் தேதி, அம்பேத்கர் நகர் பகுதியில் இரு சக்கர வாகனத்தில் சென்றுக் கொண்டிருந்தார்.

அப்போது, அவரை வழிமறித்த இருவர், கத்தியால் சரமாரியாக தாக்கி, தப்பினர். காயமடைந்த கவுஸ்பாஷா, சிகிச்சைக்காக அரசு ஸ்டான்லி மருத்துவமனையில் சேர்க்கப்பட்டார்.

இது குறித்து, ஆர்.கே. நகர் போலீசார் வழக்கு பதிவு செய்து விசாரித்தனர்.அம்பேத்கர் நகர் பகுதியை சேர்ந்த சரவணன், 26, பிரகாஷ், 21, ஆகிய ரவுடிகள் இருவரை கைது செய்து விசாரிக்கின்றனர்.

• 1. தமிழ் மொழிக்கு சற்று இணையான மொழி சமஸ்கிருதம்: கவர்னர் ஆர்.என்.ரவி
• 2. பயன்பாட்டிற்க்கு வந்தது 'டயாலிசிஸ்' மையம்
• 3. வேளச்சேரி சாலையில் பஸ் போக்குவரத்து மாற்றம்
• 4. மர்ம காய்ச்சலுக்கு வாலிபர் உயிரிழப்பு
• 5. தெலுங்கானா  கவர்னர் நங்கநல்லுாரில் தரிசனம்
• 6. புரட்டாசி வழிபாடு நேரம் அறிவிப்பு
• 7. கோயம்பேடு சந்தை சீரமைப்பு திட்டம் அம்போ? சி.எம்.டி.ஏ.,வுக்கு வியாபாரிகள் கடும் எதிர்ப்பு!
• 8. கத்திமுனையில் மூதாட்டியிடம் கொள்ளையடித்த மூவர் கைது
• 9. ஊழியர்கள் பற்றாக்குறையே விபத்திற்கு காரணம் மின் வாரிய கூட்டத்தில் அம்பலம்
• 10. சிறுமிக்கு பாலியல் தொல்லை குற்றவாளிக்கு ஆயுள் தண்டனை