Dinamalar

மீனம்பாக்கம், சென்னை, மேற்கு மாம்பலம் ஆண்டியப்ப நாயக்கர் தெருவை சேர்ந்தவர் ரம்யா, 32. தனது மகள் ருத்ரா, 12, மகன் விக்னேஷ், 8 மற்றும் உறவினர்களான அனிதா, 20, ஜோதி, 28 ஆகியோருடன் நேற்று முன்தினம் மேல்மலையனுார் அம்மன் கோவிலுக்கு ஆட்டோவில் சென்றனர்.

ஆட்டோவை, மேற்கு மாம்பலத்தை சேர்ந்த மணிகண்டன், 28, என்பவர் ஓட்டி சென்றார். அம்மனை தரிசித்து நேற்று அதிகாலை சென்னைக்கு திரும்பிக் கொண்டிருந்தனர்.

ரம்யா ஓட்டுனருடன் முன் பக்கம் அமர்ந்திருந்தார். மீனம்பாக்கம் விமான நிலையம் அருகே ஆட்டோ வந்த போது, துாக்க கலக்கத்தில் இருந்த ரம்யா தவறி கீழே சரிந்தார். அப்போது ஓட்டுனரின் சட்டையை பிடித்து இழுத்ததில், ஆட்டோ நிலைகுலைந்து பிளாட்பாரத்தில் மோதியது.

இதில், கீழே விழுந்த ரம்யா மீது ஆட்டோ ஏறி இறங்கியது. இதில் பலத்த காயமடைந்த ரம்யா, ராஜிவ்காந்தி அரசு மருத்துவமனையில், சிகிச்சை பலனின்றி நேற்று அதிகாலை இறந்தார்.

மவுன்ட் போக்குவரத்து புலனாய்வு பிரிவு போலீசார் விசாரிக்கின்றனர்.

• 1. மணல் லாரிகளை சிறை பிடித்து போராட்டம்
• 2.இன்றைய நிகழ்ச்சி: திருவள்ளூர்
• 3. கணவரை கொன்ற மனைவி கைது
• 4. திருவாலங்காடு கோவிலில் மாந்தீஸ்வரர் பூஜைக்கு ஆன்லைன் முன்பதிவு வருமா?
• 5. நாளைய மின்தடை
• 6. பரேஸ்புரம் சாலையில் மின்விளக்கு அமையுமா?
• 7. பள்ளியில் பழுதடைந்த மேல்நிலை நீர்த்தேக்கத்தொட்டி
• 8. புதர் மண்டி கிடக்கும் ஏரி நீர் வரத்து கால்வாய் சீரமைக்க மப்பேடு விவசாயிகள் கோரிக்கை
• 9. ஆரம்ப சுகாதார நிலையம், விடுதிக்கு விரைவில் ரூ.1 கோடியில் சுற்றுச்சுவர்
• 10. தமிழ் மொழிக்கு சற்று இணையான மொழி சமஸ்கிருதம்: கவர்னர் ஆர்.என்.ரவி