Dinamalar

நாமகிரிப்பேட்டை:ராசிபுரம் அருகே, ஓய்வு பெற்ற அரசு ஊழியர் அடித்துக்கொலை செய்யப்பட்டது குறித்து, போலீசார் விசாரணை நடத்தி வருகின்றனர்.

நாமக்கல் மாவட்டம், ராசிபுரம் அருகே, நாமகிரிப்பேட்டை அடுத்த காமராஜ் நகரை சேர்ந்தவர் சுப்ரமணி, 70; ஓய்வு பெற்ற மின்வாரிய ஊழியர். தற்போது, 'சவுண்ட் சிஸ்டம்' மற்றும் தண்ணீர் கேன் விற்பனை செய்து வந்தார். இவருக்கு ஒரு மகள், இரண்டு மகன்கள் உள்ளனர்.

மூவருக்கும் திருமணமாகி தனித்தனியாக வசித்து வருகின்றனர்.

மனைவி, 10 ஆண்டுக்கு முன் இறந்ததால், சுப்ரமணி தனியாக வசித்து வந்தார். கடந்த 5ம் தேதி இரவு, சுப்ரமணி வீட்டுக்கு வெளியே துாங்கினார். நேற்று முன் தினம் காலை, அந்த வழியாக சென்றவர்கள், சுப்ரமணி ரத்த வெள்ளத்தில் கொலை செய்யப்பட்டு கிடந்ததை கண்டு அதிர்ச்சியடைந்தனர்.

இதுகுறித்து, நாமகிரிப்பேட்டை போலீசாருக்கு தகவல் தெரிவித்தனர். டி.எஸ்.பி., செந்தில்குமார், இன்ஸ்பெக்டர் கணேஷ்குமார் ஆகியோர் சம்பவ இடத்திற்கு சென்று விசாரணை நடத்தினர். துாங்கி கொண்டிருந்த சுப்ரமணி தலையில், கட்டையால் தாக்கி கொலை செய்திருப்பது தெரிந்தது. தடயவியல் நிபுணர்கள் தடயங்களை சேகரித்தனர். இதுகுறித்து, போலீசார் தொடர்ந்து விசாரித்து வருகின்றனர்.

• 1. கரட்டில் நடமாடிய சிறுத்தை கூண்டு வைத்த வனத்துறை
• 2. 'நாங்க படும் பாட்டை வந்து பாருங்க' கலெக்டர் காரை வழிமறித்து கோரிக்கை
• 3. அரசு விடுதியில் அமைச்சர் உதயநிதி ஆய்வு: வார்டனை 'சஸ்பெண்ட்' செய்ய உத்தரவு
• 4.'அலைபாயுதே' பாணியில் திருமணம்; அல்ப ஆயுளில் மரணம்: பாதை மாறிய சேலம் கல்லூரி மாணவிக்கு நேரிட்ட கதி
• 5. பலத்த போலீஸ் பாதுகாப்புடன் ஓசூரில் விசர்ஜன ஊர்வலம்
• 6. டூவீலர் பழுது நீக்குவோர் சங்கத்துக்கு தனி நலவாரியம் ஏற்படுத்த தீர்மானம்
• 7. நவ., 1ல் ஆஞ்சநேயர் கோவில் கும்பாபிஷேகம்
• 8. மாநில அளவில் வளர் திறன் தேர்வு மாவட்டத்தில் 4,552 பேர் பங்கேற்பு
• 9. இளைஞர் கழுத்து அறுத்து கொலை? தனிப்படை அமைத்து விசாரணை
• 10. சாலை பள்ளத்தில் விழுந்து விவசாயி பலி கான்ட்ராக்டர் உள்பட 3 பேர் மீது வழக்கு