Dinamalar

கரூர்:''தமிழக சட்டசபைக்கு எப்போது தேர்தல் நடந்தாலும், அ.தி.மு.க., 200 தொகுதிகளில் வெற்றி பெறும்,'' என, முன்னாள் அமைச்சர் எம்.ஆர்.விஜயபாஸ்கர் பேசினார்.

தமிழக அரசை கண்டித்து, மாவட்ட அ.தி.மு.க., சார்பில் கரூர் தலைமை தபால் நிலையம் முன், ஆர்ப்பாட்டம் நடந்தது. இதில், முன்னாள் அமைச்சர் எம்.ஆர்.விஜயபாஸ்கர் பேசியதாவது:

முன்னாள் நிதி அமைச்சர் தியாகராஜன் பேசியதாக, '30 ஆயிரம் கோடி ரூபாய் கொள்ளையடித்து விட்டனர்' என, வெளிவந்த ஆடியோவால், அவரது துறை மாற்றப்பட்டது.

ஆனால், டாஸ்மாக் நிறுவனத்தில் முறைகேடு நடப்பதாக தகவல்கள் வெளிவந்த பிறகும், கள்ளச்சாராயம் குடித்து, பலர் உயிரிழந்த நிலையிலும், கரூரில் வருமான வரித் துறையினர் சோதனை நடத்திய போதும், உள்ளூர் அமைச்சரின் துறையை கூட மாற்றவில்லை.

தி.மு.க., ஆட்சியில் கள்ளச்சாராயம்,போதை பொருட்கள் நடமாட்டம் அதிகரித்துள்ளது. அதை, டி.ஜி.பி., சைலேந்திர பாபு மறுக்கிறார். போலீசார் சோதனையில், 22 ஆயிரம் லிட்டர் கள்ளச்சாராயம் பறிமுதல் செய்யப்பட்டது.

அ.தி.மு.க., ஆட்சியில் பெண்கள் மீது தாக்குதல் நடந்தால், தி.மு.க., - எம்.பி., கனிமொழி கொதித்து எழுவார். கரூரில் வருமான வரித் துறை பெண் அதிகாரி மீது, தி.மு.க.,வின் மகளிர் அணியினர் தாக்கினர். இப்போது கனிமொழி எங்கே போனார் என, தெரியவில்லை.

வாக்குறுதிகளை நிறைவேற்றாத, தி.மு.க., அரசை வீட்டுக்கு அனுப்ப வேண்டும். விரைவில் மின் கட்டணம், பஸ் கட்டணம் உயர போகிறது. தமிழகம் முழுதும், 5,000 பஸ்களை நிறுத்தி விட்டதாக அதிகாரிகள் கூறுகின்றனர்.

முதல்வர் ஸ்டாலினுக்கு எதுவும் தெரியவில்லை. தமிழகத்தில் எப்போது சட்டசபை தேர்தல் நடந்தாலும், 200 தொகுதிகளில் அ.தி.மு.க., வெற்றி பெறும்.

இவ்வாறு அவர் பேசினார்.

• 1. மாணவர் கழுத்தறுத்து கொலை
• 2. முடி வெட்ட ஆசிரியர் கண்டிப்பு பிளஸ் -2 மாணவர் தற்கொலை
• 3. தி.மு.க., பெண் கவுன்சிலர் க.பரமத்தி அருகே கொலை
• 4. ரயில் மறியலில் ஈடுபட்ட 150 விவசாயிகள் கைது
• 5. ஹிந்து முன்னணி பேச்சாளர் கைது
• 6. கரும்பு விவசாயிகள் போராட்டம் கலெக்டர் ஆபீசில் தள்ளுமுள்ளு
• 7. தி.மு.க., கவியரங்கத்தால் கலைந்து சென்ற தொண்டர்கள்; பட்டிமன்றம் ஒத்திவைப்பு.
• 8.முடியை வெட்ட சொன்னதால் முடிவை தேடிக் கொண்ட மாணவன்
• 9.ஒன்றிய செய்திகள் - கரூர்
• 10.சட்ட விரோத மது விற்பனை 266 மதுபாட்டில்கள் பறிமுதல்