Dinamalar

ராமநாதபுரம்:-பரமக்குடி பள்ளி மாணவி கூட்டு பலாத்காரம் செய்யப்பட்ட வழக்கில் கைதான 5 பேரையும் சி.பி.சி.ஐ.டி., போலீசார் நேற்று ராமநாதபுரம் நீதிமன்றத்தில் ஆஜர்படுத்தினர்.

ராமநாதபுரம் மாவட்டம் பரமக்குடியில் தனியார் பள்ளி 14 வயது மாணவியை அதே ஊரை சேர்ந்த பரமக்குடி நகராட்சி அ.தி.மு.க., கவுன்சிலர் சிகாமணி 44, மறத்தமிழர் சேனை நிறுவன தலைவர் புதுமலர் பிரபாகரன் 42, ஜவுளிக்கடை உரிமையாளர் ராஜா முகமது 39, ஆகியோர் பலாத்காரம் செய்ததாக கைது செய்யப்பட்டனர்

இவர்களுக்கு உதவிய உமா மற்றும் கயல்விழி கைது செய்யப்பட்டனர். இந்த வழக்கு விசாரணை சி.பி.சி.ஐ.டி.,க்கு மாற்றப்பட்டது. இவர்கள் ஐந்து பேர் மீதும் குற்றபத்திரிகை தாக்கல் செய்தனர்.

கைதானவர்களை மூன்று நாள் காவலில் எடுத்து விசாரித்த பின் 5 பேரும் சிறையில் அடைக்கப்பட்டனர். பின்னர் சிகாமணி மட்டும் நிபந்தனை ஜாமினில் ஸ்ரீவில்லிபுத்துார் மாஜிஸ்திரேட் நீதிமன்றத்தில் கையெழுத்திட்டு வருகிறார்.

இந்நிலையில் வழக்கு தொடர்பாக இவர்கள் 5 பேரும் நேற்று ராமநாதபுரம் மாவட்ட மகளிர் விரைவு நீதிமன்றத்தில் மீண்டும் ஆஜர் படுத்தப்பட்டனர். இதில் கயல்விழி தன்னை வழக்கில் இருந்து விடுவிக்க கோரி மனு தாக்கல் செய்தார்.

விசாரித்த நீதிபதி கோபிநாத் 5 பேரையும் இன்று மீண்டும் ஆஜர்படுத்த உத்தரவிட்டார்.

• 1.சுகப்பிரசவத்தை அதிகரிக்க கர்ப்பிணிகளுக்கு இலவச யோகா
• 2. பிற்படுத்தப்பட்டோர் தொழில் துவங்க நிதி
• 3. வனப்பகுதியில் விதைப்பந்துகள்
• 4. கல்லுாரியில் கொலு பொம்மைகள் கண்காட்சி
• 5. தட்சிண அதிசயங்கள் சுற்றுலா ரயில் ; மதுரையில் செப்.28ல் புறப்படுகிறது
• 6. இன்றைய நிகழ்ச்சி// செப். 27
• 7. மாமனார் டூவீலரை எரித்த மருமகன்
• 8. மதுரையில் குட்கா, பான் மசாலா விற்ற 19 கடைகளுக்கு 'சீல்'
• 9. வரிச்சியூர் செல்வத்துக்கு 5 நாள் காவல்
• 10. தார் ரோடுன்னுதான் பேரு தைரியம் இருந்தா வந்து பாரு;  நரக வேதனை தரும் நரிமேடு ரோடு