Dinamalar

சேந்தமங்கலம்: கருவாட்டாறு தடுப்பணையை உடைத்த மர்ம நபர்கள் மீது நடவடிக்கை எடுக்கக் கோரி, அப்பகுதி விவசாயிகள், மாவட்ட நிர்வாகத்துக்கு கோரிக்கை விடுத்துள்ளனர்.
நாமக்கல் மாவட்டம், கொல்லிமலை அடிவாரத்திலிருந்து, மழைக்காலங்களில் நக்காறு, செட்டிகுளம், கருவாட்டாறு வழியாக பெரியகுளத்திற்கு சென்று, பழையபாளையம் ஏரிக்கு தண்ணீர் சென்றடைகிறது.

சேந்தமங்கலம் யூனியனுக்குட்பட்ட, வாழவந்திகோம்பை பஞ்சாயத்தில் உள்ள கருவாட்டாறு பகுதியில், 30 ஏக்கர் பரப்பில் மா, தென்னை, மரவள்ளி உள்ளிட்ட பயிர்களை விவசாயிகள் சாகுபடி செய்துள்ளனர். கருவாட்டாறு தடுப்பணையில் நீர் தேங்கும்போது, அப்பகுதியில் உள்ள விவசாய கிணறுகளின் நீர்மட்டம் உயர்ந்து, விவசாயம் செய்ய ஏதுவாக இருந்தது.
கடந்த, 2013ல், மகாத்மா காந்தி தேசிய ஊரக வேலைவாய்ப்பு திட்டத்தில் கட்டப்பட்ட கருவாட்டாறு தடுப்பணையை மர்ம நபர்கள் சிலர், பொக்லைன் இயந்திரம் மூலம், நேற்று முன்தினம் இடித்து உடைத்துள்ளனர். இதனால் அப்பகுதியில் விவசாயம் பாதிக்கும் நிலை உள்ளது. தடுப்பணையை உடைத்த மர்ம நபர்கள் மீது, மாவட்ட நிர்வாகம் நடவடிக்கை எடுக்க வேண்டும் என, விவசாயிகள் கோரிக்கை விடுத்துள்ளனர்.

• 1.சிலம்பொலி செல்லப்பன் சிலை திறப்பு
• 2. போலி முகவரியில் பாஸ்போர்ட்: 3 பேர் மீது வழக்கு: இருவர் கைது
• 3.அக்., 16 முதல் பயணியர் விமான சேவை; சேலம் விமான நிலைய இயக்குனர் தகவல்
• 4.மது விற்க, குடிக்க தடை; ஊராட்சி நிர்வாகம் அதிரடி
• 5.சுகவனேஸ்வரர் கோவிலில் மொபைலுக்கு தடை; பாதுகாப்பு பெட்டக வசதிக்கு ஏற்பாடு
• 6.'ஷவர்மா, பர்கர்' பிரச்னையால் வெறிச்சோடிய இறைச்சி கடைகள்
• 7.ஒகேனக்கல்லில் 70.6 மீ.மீ., மழை
• 8.ரூ.19 லட்சத்துக்கு ஆடுகள் விற்பனை
• 9.புகையிலை பொருட்கள் கடத்தி வந்த கார் கவிழ்ந்து விபத்து
• 10.கே.ஈச்சம்பாடி தடுப்பணைக்கு நீர்வரத்து அதிகரிப்பு