Dinamalar

விக்கிரவாண்டி : அரசு மருத்துவமனையில் முறையான சிகிச்சை அளிக்காததால் குழந்தை இறந்து பிறந்ததாக புகார் கூறி, உறவினர்கள் சாலை மறியலில் ஈடுபட்டனர்.

விழுப்புரம் கீழ்பெரும்பாக்கத்தை சேர்ந்தவர் சிகாமணி மனைவி வினிதா,22; கர்ப்பிணியான இவருக்கு நேற்று பிரசவ வலி ஏற்பட்டதும், அவரை மகாராஜபுரம் ஆரம்ப சுகாதார நிலையத்தில் சேர்த்தனர்.

அங்கு முறையாக சிகிச்சை அளிக்காமல் காலம் தாழ்த்தியதாக கூறி, மேல் சிகிச்சைக்காக முண்டியம்பாக்கம் அரசு மருத்துவக் கல்லுாரி மருத்துவமனையில் சேர்த்தனர். அங்கு, அவருக்கு குழந்தை இறந்து பிறந்தது.

மேலும், வினிதாவின் இரண்டு சிறுநீரகங்களும் பாதிக்கப்பட்டுள்ளதாக டாக்டர்கள் கூறியுள்ளனர் .

இதனால் ஆத்திரமடைந்த உறவினர்கள், நேற்று மாலை 6.௦௦ மணியளவில் முண்டியம்பாக்கம் மருத்துவமனை எதிரே பைபாஸ் சாலையில் மறியலில் ஈடுபட்டனர்.

தகவலறிந்த விக்கிரவாண்டி இன்ஸ்பெக்டர் வினாயக முருகன், சப் இன்ஸ்பெக்டர் காத்தமுத்து உள்ளிட்ட போலீசார் சம்பவ இடத்திற்கு சென்று, மறியலில் ஈடுபட்டவர்களை அப்புறப்படுத்தி, உரிய சிகிச்சை அளிக்க நடவடிக்கை எடுப்பதாக கூறி சமாதானம் செய்தனர்.

இதையடுத்து அவர்கள் அங்கிருந்து கலைந்து சென்றனர் இதனால் சென்னை -திருச்சி சாலையில் 15 நிமிடம் போக்குவரத்து பாதிப்பு ஏற்பட்டது.

• 1. கார் கவிழ்ந்து விபத்து; ஐந்து பேர் காயம்
• 2. தடுப்பு காவல் சட்டத்தில் சாராய வியாபாரி கைது 
• 3. 32 பேர் மீது வழக்குப் பதிவு 
• 4.கடலூர் சில்வர் பீச்சில் புத்தக திருவிழா ஏற்பாடு! அரங்குகள் அமைக்கும் பணி தீவிரம்
• 5. தாட்கோ கடன் பெற்றவர்களுக்கு வட்டி, அபராத வட்டி தள்ளுபடி
• 6. பாரம்பரியத்தை நினைவூட்டிய 'நம்ம ஸ்ட்ரீட்' நிகழ்ச்சி; சிதம்பரத்தில் பொதுமக்கள் உற்சாகம்
• 7. மாவட்ட அளவிலான கூடைப்பந்து போட்டி; அண்ணாமலை பல்கலை., கோப்பை வென்றது
• 8. ஆபத்தான நிலையில் இருந்த மின்கம்பம் மாற்றியமைப்பு
• 9. மலையாண்டவர் கோவில் சாலை பணி கிடப்பில்; காற்றில் பறந்த கலெக்டர் உத்தரவு
• 10. வயல்வெளி விழா