Dinamalar

தஞ்சாவூர்: தஞ்சை மாவட்டம் ஆலக்குடியில் முதலைமுத்துவாரி, விண்ணமங்கலம் வாய்க்கால் தூர்வாரப்பட்டுள்ளதை முதல்வர் ஸ்டாலின் பார்வையிட்டு ஆய்வு செய்தார். ஆய்வுக்கு பின்னர் செய்தியாளர்களை சந்தித்த முதல்வர் ஸ்டாலின், 'காவிரியின் குறுக்கே மேகதாது அணையை கட்ட தமிழக அரசு ஒருபோதும் அனுமதிக்காது' என கூறினார்.

காவிரி டெல்டா மாவட்டங்களில்,90 கோடி ரூபாய் மதிப்பீட்டில் தூர்வாரும் பணிகள் கடந்த ஏப்ரல் 27ம் தேதி துவங்கியது. இதில், தஞ்சாவூர் மாவட்டத்தில், 189 பணிகள் 1068.45 கி.மீ. நீளத்துக்கு 20.45 கோடி ரூபாய் மதிப்பீட்டில் தூர்வாரும் பணிகள் செய்யப்பட்டது. தொடர்ந்து,தூர்வாரப்பட்ட பணிகளை ஆய்வு செய்வதற்காக முதல்வர் ஸ்டாலின் நேற்று இரவு தஞ்சாவூருக்கு வருகை தந்தார்.

இதையடுத்து, முதல்வர் ஸ்டாலின் பயனியர் மாளிகையில்,தங்கி இருந்த நிலையில், இன்று (09ம்தேதி) காலை தூர்வாரப்பட்ட பணிகள் குறித்து பொதுப்பணித்துறை அலுவலர்களிடம் அதிகாரியிடம் ஆலோசனை நடத்தினார். பின்னர், தஞ்சாவூர் அருகே ஆலக்குடியில் முதலைமுத்து வாரியின் எல்லை 11.800 கி.மீ முதல் 15.300 கி.மீ வரை மொத்தம் 3.50 கி.மீ தூரம் 20 லட்சம் ரூபாய், விண்ணமங்கலம் சி பிரிவு வாய்க்கால் 920 மீட்டர் தூரம் 34 ஆயிரம் ரூபாய் மதிப்பீட்டில் தூர்வாரப்பட்ட பணிகளை ஆய்வு செய்தார். முன்னதாக விவசாயிகள்,பொதுமக்கள் பலரிடம் மனுக்களை பெற்றார்.

மேகதாது

ஆய்வுக்கு பின்னர் திருச்சி விமான நிலையத்தில் செய்தியாளர்களிடம் முதல்வர் ஸ்டாலின் கூறியதாவது: காவிரி பகுதியில் உள்ள கால்வாய்களை தூர் வார முன்னுரிமை அளிக்கப்பட்டுள்ளது. டெல்டா பகுதியில் நடைபெறும் தூர்வாரும் பணிகள் விரைவில் நிறைவுபெறும். வரும் 12ம் தேதி மேட்டூர் அணையில் நீர் திறக்க உள்ளேன். விவசாயிகள் நீரை சிக்கனமாக பயன்படுத்தி, வேளாண் பணிகளை மேற்கொள்ள வேண்டும். எந்த காரணத்தை கொண்டும் காவிரியின் குறுக்கே மேகதாது அணை கட்ட தமிழக அரசு ஒருபோதும் அனுமதிக்காது. திமுக ஆட்சியில் வேளாண் உற்பத்தி தொடர்ந்து அதிகரித்து வருகிறது. இவ்வாறு அவர் கூறினார்.

• 1. எஸ்.எஸ்.ஐ.,யை கொலை செய்தவருக்கு ஆயுள் சிறை
• 2. முசிறி அருகே காவிரி ஆற்றில் காளி சிலை கண்டெடுப்பு
• 3. எஸ்.எஸ்.ஐ.,யை கொன்றவருக்கு ஆயுள் சிறை
• 4. மதுக்கடை திறக்க எதிர்ப்பு பெண்கள் முற்றுகை போராட்டம்
• 5.எஸ்எஸ்ஐ கொலை: குற்றவாளிக்கு ஆயுள்
• 6.கறவைமாடு வாங்க கடனுதவி
• 7.நகராட்சி சேர்மனை கண்டித்து திமுக, அதிமுக கவுன்சிலர்கள் வெளிநடப்பு
• 8. வருமான வரித்துறை அலுவலர்களை தாக்கிய வழக்கில் தி.மு.க.,வினர் 15 பேருக்கு ஜாமின்
• 9.ஒன்றிய செய்திகள் - கரூர்
• 10. விவசாய வேலைக்கு சாகுபடி பணியில் வட மாநிலத்தவர்