Dinamalar

பவானி: மொபைல்போனில் பேசியபடி பஸ்ஸை இயக்கிய டிரைவருக்கு, வாலிபர் ஒருவர் பாடம் நடத்தியது, பவானியில் பரபரப்பை ஏற்படுத்தியது.
ஈரோட்டில் இருந்து பவானி-வழியாக மேட்டூருக்கு, ஒரு தனியார் பஸ், 50-க்கும் மேற்பட்ட பயணிகளுடன் நேற்று மதியம், ௨:௩௦ மணிக்கு சென்றது. பவானி பழைய பாலத்தில் சென்றபோது, டிரைவர் மொபைல்போனில் பேசியபடி இயக்கியுள்ளார்.
அப்போது டூ வீலரில் சென்ற ஒரு வாலிபர், பஸ் ஓட்டியபடி மொபைல் பேசாதீர்கள் என கூறியும், டிரைவரின் மொபைல் பேச்சு தொடர்ந்துள்ளது.

இதனால் பவானி மெயின் ரோட்டில், போலீஸ் ஸ்டேஷனுக்கு எதிரே சென்றபோது, டூவீலரை குறுக்கே போட்டு வாலிபர் பஸ்சை வழிமறித்து நிறுத்தினார். மேலும் போலீஸ் ஸ்டேஷனுக்கு சென்று, புகார் கூறினார். இதனால் டிரைவர், கண்டக்டரை, ஸ்டேஷக்கு அழைத்து போலீசார் விசாரித்தனர்.
அதேசமயம் நடுரோட்டில் பஸ் நிறுத்தப்பட்டதால் போக்குவரத்து ஸ்தம்பித்தது. இதனால் பஸ்ஸில் இருந்து இறங்கி வந்த பயணிகள் சத்தமிடவே பரபரப்பு ஏற்பட்டது. 'இதென்னடா வம்பா போச்சு?' என நினைத்த போலீசார், இனி மொபைல்போனில் பேசியபடி இயக்கினால், உரிமம் ரத்து செய்ய நேரிடும் என டிரைவரை எச்சரித்து
அனுப்பினர்.
மொபைலில் பேசியபடி வாகனம் ஓட்ட வேண்டாம் என்று போலீசார் விழிப்புணர்வு ஏற்படுத்தினாலும், அவ்வாறு செய்த ஒரு பஸ் டிரைவரை, சாலையிலேயே வழிமறித்து பாடம் நடத்திய வாலிபரின் துணிச்சல், அங்கிருந்த பலரின் பாராட்டை பெற்றது.

• 1. மனைவியை கொன்ற கணவர் கைக்குழந்தையுடன் சரண்
• 2. மாவட்டத்தில் பரவலாக கொட்டிய மழை
• 3.சுடுகாட்டு நிலத்தை ஆக்கிரமித்ததால் பிணத்தை புதைக்க முடியாத அவலம்
• 4. காங்கேயத்தில் சாலைக்கு பூட்டு போட்டு 'காமெடி'
• 5.தாசில்தார் அலுவலகம் முற்றுகை முயற்சி; ௧௫௦ விவசாயிகள் கைது
• 6. தி.மு.க., பிரமுகர் அடாவடி; அத்துமீறல் எஸ்.பி.,யிடம் கோபி முதியவர் குமுறல்
• 7. மறு குடியமர்வுக்கு ஒரு தரப்பில் எதிர்ப்பு; மறுதரப்பு ஆதரவு: கூட்டுறவு சங்க பேரவை கூட்டத்தில் வெடித்தது 'மோதல்'
• 8.செய்திகள் சில வரிகளில்... ஈரோடு
• 9. போராட்டத்தில் சர்ச்சையாக பேசியதாக புகார்
• 10. நீலத்தை கரைத்து ஊற்றி போலீசாரை பதற்றமடைய செய்தவரிடம் விசாரணை