Dinamalar

உளுந்துார்பேட்டை : உளுந்துார்பேட்டை அருகே சாலையோரம் நின்ற டாடா ஏஸ் வாகனத்தின் மீது அரசு விரைவு பஸ், கூரியர் வாகனம் (வேன்) அடுத்தடுத்து மோதிய விபத்தில் 5 பேர் படுகாயமடைந்தனர்.

துாத்துக்குடி மாவட்டம், விளாத்திகுளம் பகுதியைச் சேர்ந்தவர் முருகன், 45; டிரைவர். இவர் அதே பகுதியைச் சேர்ந்த மாரிமுத்து, 40, என்பவரது குடும்பத்தினரை கொத்தனார் வேலைக்காக டாடா ஏஸ் வாகனத்தில் காஞ்சிபுரத்திற்கு அழைத்துச் சென்றார்.

கள்ளக்குறிச்சி மாவட்டம், உளுந்துார்பேட்டை அடுத்த மேட்டாத்துார் அருகே தேசிய நெடுஞ்சாலையில், நேற்று காலை 6:30 மணியளவில், சென்றபோது மழை பெய்தது. சாலையோரம் வாகனத்தை நிறுத்தி, அதன் மீது தார்ப்பாய் கட்டிக் கொண்டிருந்தார். அப்போது மதுரையை சேர்ந்த டிரைவர் சதீஷ், 49, என்பவர் ஓட்டி வந்த மதுரை - சென்னை அரசு விரைவு பஸ் சாலையோரம் நின்றிருந்த டாடா ஏஸ் வாகனத்தின் மீது எதிர்பாராத விதமாக மோதியது. பின் தொடர்ந்து வந்த கூரியர் வாகனம் அரசு விரைவு பஸ் மீது மோதி விபத்துக்குள்ளானது.

இதில் டாடா ஏஸ் வாகனத்தில் பயணித்த மாரிமுத்து, அவரது மனைவி செல்வி, 38; மகள்கள் சாதனா, 12; ரித்திகா, 8, டிரைவர் முருகன் ஆகியோர் படுகாயம் அடைந்தனர்.

அவர்கள் முண்டியம்பாக்கம் அரசு மருத்துவக் கல்லுாரி மருத்துவமனைக்கு அனுப்பி வைக்கப்பட்டனர்.

அரசு விரைவு பஸ் மற்றும் கூரியர் வாகனத்தில் சென்றவர்கள் காயமின்றி தப்பினர். இந்த விபத்தால் அப்பகுதியில் சிறிது நேரம் போக்குவரத்து பாதித்தது. திருநாவலுார் போலீசார் வழக்குப் பதிந்து விசாரித்து வருகின்றனர்.

• 1. திருக்கல்யாண உற்சவம்
• 2. கள்ளக்குறிச்சியில் வேலைவாய்ப்பு முகாம் வசந்தம் கார்த்திகேயன் எம்.எல்.ஏ., அழைப்பு
• 3. ஏரி, வரத்து வாய்க்கால்களை சீரமைக்க விவசாயிகள் கோரிக்கை: மழைக்கு முன்பாக நடவடிக்கை எடுக்க வலியுறுத்தல்
• 4. விநாயகர் சிலை கரைப்பதில் பிரச்னை பலத்த போலீஸ் பாதுகாப்புடன் விஜர்சனம்
• 5. அரியபெருமானுாரில் வயல் விழா
• 6. பாலினம் குறித்து தகவல் தெரிவிக்கும் ஸ்கேன் சென்டர், மருத்துவமனை மீது நடவடிக்கை கலெக்டர் ஷ்ரவன்குமார் எச்சரிக்கை
• 7. அரசு மருத்துவ கல்லுாரியில் மருந்தியல் புலனாய்வு வார விழா
• 8. டாஸ்மாக் மூடல்
• 9. சங்கராபுரம் அரசு ஐ.டி.ஐ.,யில்  நேரடி மாணவர் சேர்க்கை
• 10. மகாகவி மெட்ரிக் பள்ளியில் ஆரஞ்சு தினம் கொண்டாட்டம்