குன்றுகளை ஆக்கிரமிப்பது தொடர்கிறது: நடவடிக்கை எடுக்க தயக்கம்
Added : ஜூலை 01, 2013 | |
Advertisement
 
 
 
Advertisement
Advertisement
dinamalar advertisement tariff
 

திருக்கழுக்குன்றம்: ஆக்கிரமிப்பாளர்கள் மீது நடவடிக்கை எடுக்க மாவட்ட நிர்வாகமும், காவல்துறையும் தயங்குவதால், மாவட்டத்தில், குன்றுகளை ஆக்கிரமித்து, வழிபாட்டு தலங்களை அமைப்பது தொடர்ந்து நடந்து வருகிறது.

காஞ்சிபுரம் மாவட்டத்தில், அச்சிறுபாக்கம், செங்கல்பட்டு, திருக்கழுக்குன்றம் உள்ளிட்ட பகுதிகளில் குன்றுகள் அதிகம். சுற்றுச்சூழலை பாதுகாக்கும் இவற்றில், அரிய வகை மூலிகைகளும், வரலாற்று சின்னங்களும் உள்ளன. கடந்த, 1971ம் ஆண்டில், அச்சிறுப்பாக்கம் குன்றை ஆக்கிரமித்து, சிலர் சிலுவைகளை நட்டனர். பின், 1996ல், ஒரு தேவாலயத்தை உருவாக்கினர். அடுத்த இரு ஆண்டுகளில், அப்போது பணியில் இருந்த மாவட்ட வருவாய் அலுவலர் ஒருவரின் சகாயத்துடன், ஒட்டு மொத்த குன்றையும் ஆக்கிரமித்துவிட்டனர்.



நடவடிக்கை இல்லை:


அடுத்ததாக, செங்கல்பட்டை அடுத்துள்ள நத்தம், பழவேலி, புலிப்பாக்கம் ஆகிய இடங்களில் உள்ள குன்றுகள் ஆக்கிரமிக்கப்பட்டு, அவற்றில் சிலுவைகள் நடப்பட்டன. பின், தேவாலயங்களும் உருவாக்கப்பட்டுள்ளன. மேலும், ஒட்டு மொத்தமாக குன்றுகளை ஆக்கிரமிக்கும் வகையில், இயந்திரங்களை கொண்டு, அவற்றை சமன் செய்யும் பணி நடந்து வருகிறது. இது குறித்து, கடந்த மாதம் 25ம் தேதி, "தினமலர்' நாளிதழில் செய்தி வெளியானது. இதையடுத்து, வருவாய் துறை அதிகாரிகள் கொண்ட குழு, குறிப்பிட்ட ஆக்கிரமிப்புகள் குறித்து ஆய்வு செய்து, கோட்டாட்சியர் மூலம், மாவட்ட ஆட்சியருக்கு அறிக்கை அனுப்பியது.



அடுத்து ஒரகடம்:


இது குறித்து கேட்டபோது, மாவட்ட ஆட்சியர் சித்ரசேனன் கூறுகையில், ""ஓரிரு நாட்களில், குன்றுகளில் ஏற்பட்டுள்ள ஆக்கிரமிப்புகளை அகற்றுவது குறித்து நடவடிக்கை எடுக்கப்படும்,'' என்றார். ஆனால், இதுவரை ஆக்கிரமிப்புக்கள் அகற்றப்படவில்லை. மாவட்ட நிர்வாகத்தின் அமைதியின் பின்னணி புரியவில்லை. இந்நிலையில், திருக்கழுக்குன்றம் அடுத்த ஒரகடம் கிராமத்தில் உள்ள குன்று ஆக்கிரமிப்பில் சிக்கி உள்ளது. இக்குன்றின் மீது, பல்லவர் காலத்தில் கட்டப்பட்டுள்ள வடமல்லீஸ்வரர் கோவில் உள்ளது. இந்த கோவில் அருகில், தேவாலயம் கட்டி, பெரும் பகுதியை ஆக்கிரமிப்பு செய்துள்ளனர். மேலும், தேவாலயத்திற்கு செல்ல வசதியாக, பாதைகளை உருவாக்க, வன வளங்களை அழித்து, பாறைகளை சரித்துள்ளனர். ஒட்டுமொத்த மலையும் ஆக்கிரமிக்க வசதியாக, குன்று முழுவதும் சிலுவைகளை வைத்துள்ளனர். இதுகுறித்து, திருப்போரூர் வட்டாட்சியர் மோகன் கூறுகையில், "ஆக்கிரமிப்புக்களை பார்வையிட்ட பின், நடவடிக்கை எடுக்கப்படும்,'' என்றார். அச்சிறுபாக்கம் குன்று ஆக்கிரமிக்கப்பட்டபோதே, சுற்றுச்சூழல் மற்றும் வரலாற்று ஆர்வலர்கள் குரல் கொடுத்தனர். ஆனால், அப்போது, வருவாய் துறையில் உயர் பதவியில் இருந்த ஒருவரின் ஆசீர்வாதத்தால், எதிர்த்தவர்களின் குரல் அமுக்கப்பட்டது. குன்று முழுவதுமாக ஆக்கிரமிக்கப்பட்டது.



குன்றுகளுக்கு ஆபத்து:


அடுத்ததாக, செங்கல்பட்டு குன்றுகளும், தொடர்ந்து ஒரகடம் குன்றும் ஆக்கிரமிக்கப்பட்டு வருகின்றன. இப்போதும், வருவாய் துறையும், காவல்துறையும் ஆக்கிரமிப்பாளர்களுக்கு சாதகமாகவே செயல்பட்டு வருகின்றன. ஆக்கிரமிப்புக்கள் அகற்றுவது குறித்து காவல்துறை உயர் அதிகாரி ஒருவரிடம் கேட்டபோது, "சட்டம்-ஒழுங்கு பாதிக்கப்படும் என்பதால், ஆக்கிரமிப்புகளை எடுப்பதில் சிக்கல் ஏற்பட்டுள்ளது,'' என்றார். ஆக்கிரமிப்பாளர்களின் மிரட்டலுக்கு பயந்து, நடவடிக்கை எடுக்காவிட்டால் மாவட்டத்தில் உள்ள அனைத்து குன்றுகளும் ஆக்கிரமிப்பில் சிக்கி காணாமல் போகும் என்பதும், அப்போது, வரலாற்று சின்னங்களும் மண்ணோடு மண்ணாக புதைந்து போகும் என்பதே, வரலாற்று ஆர்வலர்களின் கவலையாக இருக்கிறது. எனவே, தமிழக முதல்வர் இப்பிரச்னையில் நேரடியாக தலையிட்டு, ஆக்கிரமிப்பாளர்களால் விழுங்கப்பட்டு வரும் குன்றுகளை மீட்க வேண்டும் என, எதிர்பார்க்கப்படுகிறது.

 

புதிய செய்திகளுக்கு தினமலர் சேனலை Subscribe செய்யுங்கள்
Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X