முதல் பக்க செய்திகள் 

தமிழை நன்றாக படி : அதிகாரிகளுக்கு அரசு உத்தரவு
ஜனவரி 23,2010,00:00  IST

Front page news and headlines today

கோவை : சுற்றறிக்கை, கடிதம் மற்றும் உத்தரவு ஆவணங்களை தமிழில் பிழையின்றி எழுத, தமிழக அரசுத் துறைகளின் அதிகாரிகள் மற்றும் பணியாளர்களுக்கு பயிற்சி அளிக்கும் திட்டம், கோவையில் துவங்கியது.



மாநில அரசு அலுவலகங்களில் இருந்து வெளியிடப்படும் சுற்றறிக்கை, அறிவிப்புகள், அலுவல் சார் நடவடிக்கை தொடர்பான பல உத்தரவுகள், தமிழில் எழுத்துப் பிழைகளுடன் காணப்படுகின்றன. இவற்றில் சில, நேரடியாக விஷயத்தை வெளிப்படுத்துவதற்கு பதிலாக, சுற்றிவளைத்து குழப்புகின்றன. இதனால், அரசு அலுவலக அதிகாரிகள், பணியாளர்கள் மத்தியில் வீண் குழப்பம் ஏற்படுகிறது. எனவே சுற்றறிக்கை, உத்தரவு உள்ளிட்ட அரசு அலுவலக ஆவணங்களை தமிழில் எழுத்துப் பிழையின்றி தயாரிக்க, அரசு அதிகாரிகள் மற்றும் பணியாளர்களுக்கு பயிற்சி அளிக்குமாறு, தமிழக தமிழ் வளர்ச்சித்துறை உத்தரவிட்டுள்ளது. உலகத்தமிழ் செம்மொழி மாநாட்டையொட்டி, முதல் கட்ட பயிற்சி கோவையில் நடக்கிறது. நகரிலுள்ள அரசு மகளிர் பி.எட்., கல்லூரியில் நடந்த பயிற்சியில் பல்வேறு அரசு துறைகளின் அலுவலர்கள், பணியாளர்கள் பங்கேற்றுள்ளனர்.



விழாவில், மாநகராட்சி துணைக்கமிஷனர் சாந்தா பேசியதாவது: அரசு அலுவலகங்களில் சாதாரண கடிதங்களை தமிழில் எழுதவே பலரும் சிரமப்படுகின்றனர். எழுத்துப் பிழையின்றி அரசு அலுவலர்கள் ஆவணம் தயாரிக்கும் திறனை பெற்றிருத்தல் அவசியம். கோப்பு, சுற்றறிக்கை தயாரிக்கும் போது அதிக கவனம் தேவை. அப்போது தான், அரசு அலுவலகங்கள் மீது மக்களுக்கு மதிப்பும், மரியாதையும் கூடும். தமிழில் பலவீனமாக உள்ள அலுவலர்களை தேர்வு செய்து, ஆறு மாதத்துக்கு ஒரு முறை பயிற்சி அளிக்க வேண்டும்.இவ்வாறு, சாந்தா பேசினார்.



மகளிர் பி.எட்.,கல்லூரி முதல்வர் மேரி லில்லி புஷ்பம் பேசுகையில், ""அன்றாட தமிழ் மொழி பயன்பாட்டில், எழுத்துப்பிழைகளை அறவே தவிர்க்க வேண்டும்,'' என்றார். மாவட்ட தமிழ் வளர்ச்சி உதவி இயக்குனர் தேவதாஸ் பேசுகையில், "" அரசு அலுவலர்கள், பணியாளர்களுக்கான பயிற்சி வகுப்பு கோவையை தொடர்ந்து மதுரையில் நடக்கிறது. ""நீலகிரி மாவட்டத்தில் பிப்., 11, 12 தேதிகளில் நடக்கும். உலகத் தமிழ் செம்மொழி மாநாடு நடைபெறுவதையொட்டி, பயிற்சி திட்டம் முதலில் கோவையில் துவங்கியுள்ளது,'' என்றார். பயிற்சி முகாமில், சேலம் மண்டல தமிழ் வளர்ச்சித் துறை துணை இயக்குனர் ராஜேந்திரன், மதுரை மாவட்ட தமிழ் வளர்ச்சித்துறை உதவி இயக்குனர் பசும்பொன், திருச்சி மாவட்ட தமிழ் வளர்ச்சித்துறை உதவி இயக்குனர் சிவசாமி உள்பட பலர் பங்கேற்றனர்.



"அப்துல் கலாமை பின்பற்றுங்கள்': பயிற்சி வகுப்பின் நிறைவு விழாவில், தமிழ் வளர்ச்சித் துறை மாவட்ட உதவி இயக்குனர் தேவதாஸ் பேசியதாவது: தமிழில் ஒரு எழுத்து மாறினாலும், பொருள் மாறிவிடும்; கவனம் தேவை. அலுவலக வருகைப் பதிவேட்டில் பெயரை "இனிஷியலுடன்' ஆங்கிலத்தில் எழுதி, கையெழுத்தை தமிழில் இடவும். "தமிழர்கள், தமிழில் தான் கையெழுத்திட வேண்டும்' என, அரசே உத்தரவிடுவது பெருமை தரும் விஷயம் அல்ல. அரசாணை என்பதால், திடீரென தமிழில் கையெழுத்திடுவதால் பாதிப்பு வரப்போவதில்லை. ஜனாதிபதியாக பதவியேற்ற போது அப்துல் கலாம், தமிழில் தான் கையெழுத்திட்டார் என்பதை மறந்து விட வேண்டாம்,'' என்றார்.

நகல் எடுக்க         |    எழுத்தின் அளவு: Decrease font Enlarge font   | 
  மின்னஞ்சல்  |   RSS  |  Bookmark and Share


`
வாசகர் கருத்து
 பிற மொழிச் சொல்லை பயன் படுத்துவதில் தினமலர் முன்னணியில் உள்ளது  
by sml சு. மகாலிங்கம் ,Aruppukottia,India    23-01-2010 17:48:44 IST
 tamil is west 
by v ganapathi,Ajman,India    23-01-2010 17:36:39 IST
 எல்லாம் காலத்தின் கொடுமை
எல்லா மொழியும் கற்க வேண்டும்
தவறில்லை
தாய்மொழியை தெளிவுடன் நினைவில் கொள்ளல் வேண்டும்.
ஆனால் இங்கே?????????????????? 
by R சாமி ,Tirupur,India    23-01-2010 14:09:31 IST
 WHEN PEOPLE FEEL SHY TO SPEAK IN TAMIL IN PUBLIC PLACE. MR ABDUL KALAM SHOWN ONCE AGAIN WHY HE IS GREAT .
WE TAMIL''''S CONSIDER IT AS A GREAT HONOUR YOU DONE TO TAMIL BY SIGNING IN TAMIL.AND THANKS FOR DINAMALAR FOR PUBLISHING THIS INFORMATION . 
by g ஜாய்,chennai,India    23-01-2010 11:07:22 IST
 நூற்றுக்கு எழுபது சதம் பணம் கொடுத்துதான் வேலை vankuranka இல்லிங்களா அப்பறம் எப்படிங்க?தகுதி உள்ளவர்கள் எல்லாம் வெளியில்,தகுதி இல்லாதவர் அரசாங்கத்தில் என்னங்க நியாயம்? காரணம் பணம் உள்ளவர் ஜெயிக்கிறார் பணம் இல்லாதவர் தோற்கிறார்.உதாரணம் அண்மையில் நடந்த கல்லூரி விரயுரையாளர் பணித்தேர்வுக்கு குறைந்த பட்சம் (பணிரண்டுலட்சம்) வேலைகொடுக்கப்பட்டது பணம் தோது பண்ணமுடியாத ஏழை பட்டதாரிகள் கல்லூரி விரயுரையாளர் பணிக்கு படித்தவர்கள் என்னசெய்யமுடியும் ?இதுவே நமது நாட்டின் அவல நிலை என்றுமாறும் இந்நிலை ஏக்கங்களுடன் எதிர்கால சந்ததிகளை நினைத்து சக தமிழன் .ராசன்
 
by m raja,singapore,India    23-01-2010 11:06:05 IST
 Roம்ப மோசம் சகிக்க முடியலப்பா  
by s varatharajan,coiimbatore,India    23-01-2010 09:15:01 IST
 இப்பொழுதாவது புரிந்துகொண்டால் சரி. சாதாரணமாக ஒருமை பன்மைகளுடன் செய்திகளை நாளிதழ்கள் வெளியிடுவதில்லை. தமிழுக்கு அவமரியாதை செய்தவர்களில் தமிழனுக்கே முதலிடம். அடிமட்ட உணவகம் நடத்துபவன் கூட ரைஸ், வாட்டர்,கிரேவி என்கிறான்.வறுத்த கோழி என்றால் தொண்டைக்குள் இறங்கமறுக்கிறது. சிக்கன் பிரை என்றால் தான் சுவைக்கிறது.வறுத்த கோழிக்கு, வருத்த கோழி என்று விளம்பரம் எழுதிவைக்கிறான். லெமன் ரைஸ் டொமாட்டோ ரைஸ் கேட்கும் தமிழனே தமிழன். இவனுக்குள் இப்படி தமிழை ஏற்றி வைத்தது யார் குற்றம்? 
by துரை செல்வராஜூ ,Thanjavur,India    23-01-2010 08:59:52 IST
 தமிழ் ....? தெரியாத......

அரசு .......... ஊழியர்களா 
by m ரவி,chennai,India    23-01-2010 08:47:41 IST
 திரு அமீன் உங்களுடைய கருத்து மிக சரியானதே! 
by S Thiru,Bangkok,Thailand    23-01-2010 08:46:43 IST
 ஆங்கில மோகத்தால் மனிதர்கள் செய்யும் பல தவறுகளுக்கு பண ஆசையே அடிப்படையாக இருக்கிறது. ஆசையினால் தன் சொந்த தமிழை மறந்தவர்கள் எத்தனைப்பேர்,தமிழ் ''''டிவி''''எடுத்துக்கொள்ளுங்கள் அதில் உரையாடும் தமிழ் பெண்களும் சரி,ஆண்களும் சரி,பேசும் போது ஆங்கிலம் வார்த்தை இல்லாமல் எங்கு பேசுகிறார்கள்,தமிழ்,தமிழ்,என்று மற்றவர்களை உசுப்பேற்றும் எத்தனை ''''அரசியல்''''வாதி வீட்டில் தமிழ் மொழி பேசுகிறார்கள் (வீட்டு வேலை செய்பவர்கள் தவிர) காட்டுங்கள் வர,வர ''''தமிழ்''''தமிழ் நாட்டில் செத்துக்கொண்டு இருக்கிறது.பாரதி எழதிய பாடல்களுக்கு ''''தமிழ் தாய் வாழ்த்துப்பாடல்''''எழத பாரதிக்கே ''''கூலி''''கொடுத்தார்களாம்,அதற்க்கு பாரதி சொன்ன வார்த்தை என்ன தெரியுமா ''''என்னை பெற்ற தமிழ் தாய்க்கு வாழ்த்து மடல்'''' எழத கூலியா என்ன''''வெட்கம்''''.என்றார்,ஏனென்றால் பாரதியார் பாடல்களுக்கு ''''தமிழ் வாழ்த்து''''பாடல் எழத எல்லோருக்கும் பயம்,அதனால் தான் ''''பாரதி''''இடமே சென்று கேட்டார்களாம்.  
by amyr முஹம்மத் அமின் ,paris,France    23-01-2010 05:14:53 IST
 அரசு ஊழியர்களுக்கு தமிழ்ப்பாடம் எடுக்கும் இந்த அவலத்தை என்னவென்று சொல்ல? இப்போ இந்த லட்சணத்தில் செம்மொழி வேற//!!!
 
by GB ரிஸ்வான்,jeddah,Saudi Arabia    23-01-2010 04:44:12 IST
Post Your Comments for the Article

 

  Your Name  :
Initial : Name :
  Your Email Id :  
  Your city (or) location  :  
  Your country  :  
  Your Comment:
(Press Ctrl+g or click this   to toggle between English and Tamil)



மேலும் முதல் பக்க செய்திகள்
» தினமலர் முதல் பக்கம்
Advertisement
  இ-பேப்பர்