Dinamalar

நாங்களும் மனிதர்கள் தான் * ஐ.பி.எல்., வீரர்கள் புலம்பல் ,  
 

நாங்களும் மனிதர்கள் தான் * ஐ.பி.எல்., வீரர்கள் புலம்பல்

மும்பை: 'எங்களைச் சுற்றி என்ன நடக்கிறது என தெரியாமல் இல்லை, ஏனெனில் நாங்களும் மனிதர்கள் தான்,' என ஐ.பி.எல்., வீரர்கள் புலம்பியுள்ளனர். இந்தியாவில் கொரோனா பரவல் வேகம் அதிகமாக உள்ளது. இருப்பினும் அணி நிர்வாகிகள், வீரர்கள் இணைந்து கடுமையான பாதுகாப்பு வளையம் அமைத்து, 14வது ஐ.பி.எல்., தொடரில் பங்கேற்று வருகின்றனர்.

இருப்பினும் அதிகமான பாதிப்பு குறித்த செய்திகளால் வீரர்கள் மனதளவில் சோர்ந்துள்ளனர். கவலை மற்றும் பயத்துடன் உள்ளனர். போட்டிக்காக ஓரிடத்தில் இருந்து மற்றொரு இடத்துக்கு செல்வது வீரர்களிடம் அச்சத்தை ஏற்படுத்தியுள்ளது.

இதுகுறித்து வீரர்கள் பேசியதாக வெளியான செய்தி:

ஒவ்வொரு நாள் காலைப் பொழுது 'ஆன்டிஜென்', கொரோனா சோதனையுடன் தான் துவங்கும் அல்லது இரண்டாவது நாள் 'ஸ்வாப்' சோதனை செய்ய வேண்டும். கொரோனா பாதுகாப்பு வளையத்தில் இருந்தாலும் 'மாஸ்க்' அணிந்திருக்க வேண்டும், அடிக்கடி கைகளை சுத்தம் செய்ய வேண்டும். தினமும் காலையில் யாராவது காய்ச்சல் அல்லது இருமலுடன் எழுந்திருக்கின்றனரா என்ற விசாரிப்பும் நடக்கும். உண்மையில் எங்கள் அனைவரிடமும் பயம் காணப்படுகிறது.

எங்களைச் சுற்றி என்ன நடக்கிறது என தெரியாமல் இல்லை, ஏனெனில் நாங்களும் மனிதர்கள் தான். எங்களது பணி கிரிக்கெட் விளையாடுவது, அதை நாங்கள் செய்கிறோம். ஒருவேளை இதுவும் இல்லை என்றால் நாங்கள் குடும்பத்தினருடன் வீட்டில் தான் இருப்போம்.

இவ்வாறு வீரர்கள் புலம்பியதாக தெரிகிறது.

Advertisement
உங்கள் கருத்தைப் பதிவு செய்ய

Login

forgot password? Enter yourpassword
(Press Ctrl+g to toggle between English and Tamil)
வாசகர் கருத்து
முதல் நபராக கருத்து தெரிவியுங்கள்!

வார்னர் நீக்கம் ஏன் * சொல்கிறார் பயிற்சியாளர் டிரிவர்

வார்னர் நீக்கம் ஏன் * சொல்கிறார் பயிற்சியாளர் டிரிவர்

செப்டம்பர் 28,2021 துபாய்: ''இளம் வீரர்களுக்கு வாய்ப்பு கொடுக்க வேண்டும் என்பதற்காகத் தான் வார்னர் நீக்கப்பட்டார்,'' என ஐதராபாத் பயிற்சியாளர் டிரிவர் பெய்லிஸ் ...
ரூ.30,000 கோடி * ஐ.பி.எல்., ஒளிபரப்பு உரிமம் பெற

ரூ.30,000 கோடி * ஐ.பி.எல்., ஒளிபரப்பு உரிமம் பெற

செப்டம்பர் 24,2021 புதுடில்லி: ஐ.பி.எல்., 'டி.வி' ஒளிபரப்பு உரிமம், அடுத்த 5 ஆண்டுக்கு ரூ. 30,000 கோடியை எட்ட உள்ளது. இந்திய கிரிக்கெட் போர்டு (பி.சி.சி.ஐ.,) சார்பில், கடந்த 2008ல் இந்தியன் பிரிமியர் ...
‘வயசானாலும்’ சென்னை ‘ஸ்டைல்’ மாறல!

‘வயசானாலும்’ சென்னை ‘ஸ்டைல்’ மாறல!

செப்டம்பர் 24,2021 துபாய்: ஐ.பி.எல்., தொடரில் மூன்று முறை சாம்பியன் ஆன நம்ம சென்னை அணியை அசைக்க முடியவில்லை. 'டாடிஸ் ஆர்மி' என கேலி செய்தவர்களுக்கு கேப்டன் தோனி, பிராவோ உள்ளிட்ட அனுபவ ...