Dinamalar

ரூ.30,000 கோடி * ஐ.பி.எல்., ஒளிபரப்பு உரிமம் பெற ,  
 

ரூ.30,000 கோடி * ஐ.பி.எல்., ஒளிபரப்பு உரிமம் பெற

புதுடில்லி: ஐ.பி.எல்., 'டி.வி' ஒளிபரப்பு உரிமம், அடுத்த 5 ஆண்டுக்கு ரூ. 30,000 கோடியை எட்ட உள்ளது. இந்திய கிரிக்கெட் போர்டு (பி.சி.சி.ஐ.,) சார்பில், கடந்த 2008ல் இந்தியன் பிரிமியர் லீக் (ஐ.பி.எல்.,) 'டுவென்டி-20' கிரிக்கெட் தொடர் துவங்கப்பட்டது. இதற்கான 'டிவி' நேரடி ஒளிபரப்பு உரிமத்தை பெற்ற சோனி நிறுவனம் முதல் ஆண்டில் ரூ. 460 கோடி கொடுத்தது. 2009 முதல் ஆண்டுக்கு ரூ. 900 கோடி கொடுத்தது.

அடுத்து வந்த ஸ்டார் நிறுவனம் கடந்த ஐந்தாண்டுக்கு ரூ. 16,347.50 கோடி கொடுத்தது. தற்போது அடுத்த சீசனில் புதியதாக இரு அணிகள் சேர்க்கப்பட உள்ளதால் போட்டிகள் எண்ணிக்கை 74 அல்லது 94 ஆக அதிகரிக்கும். இதனால் இந்த ஆண்டு இறுதியில் அல்லது 2022 துவக்கத்தில் நடக்கவுள்ள 'டி.வி' ஒளிபரப்பு உரிம ஏலம் களை கட்டவுள்ளது.

அடுத்த ஐந்து ஆண்டுக்கான மதிப்பு, ஏலத்தின் வெற்றியை பொறுத்து எப்படியும் ரூ. 30,000 கோடி முதல் ரூ. 40,000 கோடி வரை இருக்கும் என கணிக்கப்பட்டுள்ளது. ஸ்டார் நிறுவனத்துடன் சோனி, விஸ்காம் 18, ரிலையன்ஸ் என மூன்று முன்னணி நிறுவனங்கள் உரிமையை பெற போட்டியிட உள்ளன.

அதேபோல உலகளவில் விளையாட்டு போட்டிகளை நேரடி ஒளிபரப்பு செய்வதில் முன்னேற்றம் அடைந்துள்ள அமேசான் நிறுவனமும் ஏலத்தில் பங்கேற்க திட்டமிட்டுள்ளது.

டிரிபிள்காம் மீடியா நிறுவனர், தலைமை செயல் அதிகாரி குணால் தாஸ்குப்தா கூறுகையில்,''இம்முறை ஏலத் தொகை 50 சதவீதம் அதிகரித்து ரூ. 24,000 கோடியாக வாய்ப்புள்ளது. இதை ஒரே நிறுவனம் தட்டிச் செல்லும் என நினைக்கவில்லை.

தவிர 2 புதிய அணிகள் சேர்ப்பதால், அடுத்த ஆண்டு போட்டி எண்ணிக்கை 94 ஆக அதிகரிக்கலாம். இதனால் ஐ.பி.எல்., 'மீடியா', ஒளிபரப்பு உரிமம் ரூ. 30,000 கோடி முதல் ரூ. 40,000 கோடி வரை உயர வாய்ப்புள்ளது,'' என்றார்.

Advertisement
உங்கள் கருத்தைப் பதிவு செய்ய

Login

forgot password? Enter yourpassword
(Press Ctrl+g to toggle between English and Tamil)
வாசகர் கருத்து
முதல் நபராக கருத்து தெரிவியுங்கள்!

சென்னைக்கு வாய்ப்பு எப்படி

சென்னைக்கு வாய்ப்பு எப்படி

மே 09,2022 மும்பை: 'டி-20' கிரிக்கெட் லீக் தொடரின் 'பிளே-ஆப்' சுற்றுக்கு முன்னேறும் வாய்ப்பு சென்னை அணிக்கு இன்னும் உள்ளது. இந்தியாவில், 'டி-20' கிரிக்கெட் லீக் 15வது சீசன் ...
‘நோ பால்’...‘வைடு’ சர்ச்சை தீருமா *வருமா டி.ஆர்.எஸ்., முறை

‘நோ பால்’...‘வைடு’ சர்ச்சை தீருமா *வருமா டி.ஆர்.எஸ்., முறை

மே 03,2022 மும்பை: ''சர்ச்சைக்குரிய 'வைடு', உயரமான 'நோ-பால்' தொடர்பாக 'ரிவியு' செய்ய வீரர்களுக்கு அனுமதி வழங்க வேண்டும்,'' என வெட்டோரி வலியுறுத்தினார். இந்தியாவில் ...
 ‘பிளே–ஆப்’ செல்லுமா சென்னை

‘பிளே–ஆப்’ செல்லுமா சென்னை

மே 02,2022 மும்பை: 'பிளே-ஆப்' சுற்றுக்கு முன்னேற சென்னை உட்பட 9 அணிகள் போட்டியிடுகின்றன. இந்தியாவில் 15வது சீசன் ஐ.பி.எல்., தொடர் நடக்கிறது. 'நடப்பு சாம்பியன்' சென்னை உட்பட 10 ...